@#/ /rdo rje dbang bskur rin chen mchog /rdo rje rgyal mtshan yon tan mtsho/ /rdo rje ye shes ye shes che/ /rig pa bye ba'i tshogs kyis mchod/ /ha la ha la nag
po che/ /sgra che zhing ni 'joms pa can/ /rdo rje 'dod pa 'dod pa che/ /rnyog pa'i dus ngan rnams sbyong ba/ /skad cig g.yo ba'i the tshom gcod/ /glog bzhin zhal gyi ljags
las 'phro/ /rdo rje me ste drag po'i zhal/ /drag po rab snang snang mdzad pa/ /nyi ma stong gis gdungs pa'i zhal/ /spyan dmar 'jigs par mdzad pa po/ /khro bo du ma
'od bzhin 'phro/ /phyag rnams du ma mtshon cha brgya/ /du ma'i zhal la sku yang stong / /'khyil zhing rgyan yang 'khyil ba la/ /sems kyi chos pas sku mi mnga'/ /rnam par
rtog pa ma lus spangs/ /ma rig 'joms pa'i tshangs pa ste/ /'dod chags zhe sdang dri mthar mdzad/ /sgyu ma gtogs 'dod rdo rje can/ /rtse gsum rtse gsum 'chang
'phrog pa/ /'dod chags zhe sdang gti mug che/ /srid dang srid min rnam sbyong ba/ /zhi zhing dul la dga' ba ste/ /sangs rgyas sangs rgyas rab rtogs pa/ /sangs rgyas bdag
nyid sangs rgyas sku/ /rdo rje rab skyes rdo rje sems/ /kun tu bzang po cher bzang ba/ /mtshan rnams dam pas rnam par brgyan/ /khams gsum bdag nyid khyab pa/

411b - 412b