bag bya ste/ /thub pa'i bslab gzhi rnams la bslab/ /nyer zhi rtag tu dran ldan pa'i/ /skyob pa mya ngan med pa yin/ /sbyin pas bsod nams rab tu 'phel/ /legs bsdams dgra sogs mi 'gyur
ro| |dge dang ldan pas sdig pa spong / /nyon mongs zad pas mya ngan 'da'/ /sdig pa thams cad mi bya ste/ /dge ba phun sum tshogs par spyad/ /rang gi sems ni yongs su gdul/ /'di ni
sangs rgyas bstan pa yin/ /lus kyi sdom pa legs pa ste/ /ngag gi sdom pa legs pa yin/ /yid kyi sdom pa'ang legs pa yin/ /thams cad du ni sdom pa legs/ /kun tu bsdam pa'i dge
slong ni/ /sdug bsngal kun las rab tu grol/ /ngag rnams bsrungs shing yid kyis rab bsdams te/ /lus kyis mi dge ba dag mi byed cing / /las lam gsum po 'di dag rab sbyangs na/ /
drang srong gsungs pa'i lam ni thob par 'gyur/ /sangs rgyas rnam gzigs gtsug tor thams cad skyob/ /'khor ba 'jig dang gser thub 'od srung dang / shAkya thub pa go'u ta ma lha yi lha/ /
mi 'dul kha lo sgyur ba bla na med/ /'jig rten mgon po skyob pa mchog /sangs rgyas dpa' bo bdun po dag /grags ldan rnams kyi so so thar/ /'di na rab tu rgyas par bton/ /'di la
sangs rgyas rnams dang gang / /sangs rgyas nyan thos rnams kyang gus/ /'di la gus dang bcas gyur pas/ /'dus ma byas pa thob par gyis/ /brtsam par bya zhing 'byung bar bya/ /sangs rgyas

34a - 35a