tshig gang gis mdangs phyir 'phrog pa'i rig sngags 'di gsungs pa'i bden pa dang / bden pa'i tshig des ngas bsrung bar bya'o/ /bde legs su 'gyur ba'i bar du'o/ /de'i mdangs dbrog par bya'o/ /phyir dbrog par bya'o/ /nye bar
bsgrub par bya'o/ /gnod sbyin gyis zin tam/ mi dang mi ma yin pas zin na dus de dang / tshod de dang / yud tsam de la mdangs 'phrog go/ /phyir mi 'phrog go/ /rnam par 'jug go/ /gal te 'phrog cing phyir mi 'phrog par mi byed de/ gnas na 'dug bzhin du rnam par
mi 'jig cing / yang 'joms par 'dod dam/ 'phrog par 'dod par gyur na/ des bcom ldan 'das de bzhin gshegs pa shAkya thub pa nyan thos kyi tshogs dang bcas pa de mi mnyes par byas par 'gyur ro/ /bcom ldan 'das kyis de skad ces bka' stsal nas/ tshe dang ldan pa kun
dga' bo yi rangs te/ bcom ldan 'das kyis gsungs pa la mngon par bstod do/ /'phags pa mdangs phyir 'phrog pa zhes bya ba theg pa chen po'i mdo rdzogs so// @#/ /rgya gar skad du/ Ar+ya bi dza ya ba ti nA ma pra t+yaM
gi rA/ bod skad du/ phyir zlog pa 'phags pa rnam par rgyal ba can zhes bya'o/ /sangs rgyas dang / byang chub sems dpa' 'gro ba thams cad srung ba la mngon par brtson pa thams cad la phyag 'tshal lo/ /grub pa thams cad la phyag 'tshal lo/ /rig sngags 'chang thams cad
la phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /byang chub sems dpa' sems dpa' chen po snying rje chen po dang ldan pa 'phags pa spyan ras gzigs dbang phyug la phyag 'tshal lo/ /de rnams la phyag 'tshal nas
phyir zlog pa rnam par rgyal ba can zhes bya ba gshed byed dang byad sel ba/ ro langs dang / bkra mi shis pa rab tu zhi bar byed pa/ rgyal po'i 'jigs pa dang / chom rkun gyi 'jigs pa dang / me'i 'jigs pa dang / chu'i 'jigs pa dang / mkha' 'gro ma'i 'jigs pa dang /

83b - 84b