@#/ /rgya gar skad du/ badzra lo ha tuN+Da nA ma d+hA ra NI/ bod skad du/ rdo rje gnam lcags mchu zhes bya ba'i gzungs/ thams cad mkhyen pa la phyag 'tshal lo/ /de nas tshangs ba dang / khyab 'jug dang / dbang phyug chen po dang / rgyal
po chen po bzhis bcom ldan 'das la lan gsum bskor ba byas te phyag 'tshal nas bcom ldan 'das la 'di skad ces gsol to/ /bcom ldan 'das bdag cag thams cad 'dus nas klu thams cad kyi snying 'phrog par bgyid pa/ snying 'gums par bgyid pa/ klu
ma rungs pa rnams kyi rigs phung bar 'gyur ba/ rlung dang ser ba'i sprin thams cad bzlog par bgyid pa/ me tog dang 'bras bu dang lo tog thams cad 'byor par bgyid pa rdo rje gnam lcags mchu zhes bya ba'i gzungs brjod par 'tshal gyis/ bcom ldan 'das kyis
sems can thams cad kyi don mdzad pa'i slad du byin gyis brlab tu gsol/ de nas bcom ldan 'das kyis tshangs pa dang / khyab 'jug dang / dbang phyug dang / rgyal po chen po bzhi la bka' stsal pa/ rigs kyi bu rnams ngas sems can thams cad kyi don dang /
'phags pa thams cad kyi bden pa'i byin gyi brlabs kyis khyed kyis smros shig ces bka' stsal ba dang / de nas tshangs pa dang / khyab 'jug dang / dbang phyug dang / rgyal po chen po bzhis gzungs sngags 'di smras te/ dkon mchog gsum la phyag 'tshal lo/ /bcom
ldan 'das shAkya thub pa la phyag 'tshal lo/ /de bzhin gshegs pa dgra bcom pa yang dag par rdzogs pa'i sangs rgyas thams cad la phyag 'tshal lo/ /rdo rje 'dzin drag po la phyag 'tshal lo/ /pha rol zil gyis gnon pa'i mthu bo che rnams la phyag 'tshal lo/ /
'jig rten gsum gyi gtso bo la phyag 'tshal lo/ /rgyal po chen po bzhi la phyag 'tshal lo/ /rdo rje gnam lcags 'bar ba ma rungs ba drag tu dgod pa la phyag 'tshal lo/ /ma tha ma tha/ pra ma tha pra ma tha/ dza li ta/ bi kr-i ta/ badzra dza ya dza ya/ ma hA ba le b+h+yo ra

79b - 80b