ldan 'das kyis gsungs pa la rjes su yi rangs te mngon par bstod do/ /'phags pa snang brgyad ces bya ba theg pa chen po'i mdo rdzogs // @#/ /rgya gar skad du/ pU dza me g+hanA ma d+hA ra NI/ bod skad du/ mchod pa'i sprin
zhes bya ba'i gzungs/ dkon mchog gsum la phyag 'tshal lo/ /na mo rat+na tra yA ya/ na mo b+ha ga ba te/ badzra sA ra pra marda ni/ ta thA ga tA ya/ ar+ha te saM myak+saM bud+d+hA ya/ tad+ya thA/ oM badzre badzre/ ma hA badzre/ ma hA te dza badzre/ ma hA bid+yA badzre/ ma hA bo d+hi tsit+ta badzre/
ma hA po d+hi maN+Do ba saM kra ma Na badzra/ sarba karma A bar Na bi sho d+ha na badzre swA hA/ gzungs sngags 'di'i cho ga ni 'di yin te/ dran pa tsam gyi mod la phyogs bcu dag na bzhugs pa'i sangs rgyas bcom ldan 'das gang gA'i klung gi bye ma'i rdul phra rab snyed la mchod pa byas par
'gyur zhing zhabs la phyag byas par 'gyur ro/ /me tog dang / bdug pa dang / spos dang / me tog phreng dang / byug pa dang / phye ma dang / chos gos dang / gdugs dang / rgyal mtshan dang / ba dan thams cad dang / ba dan dang / gding ba dang / na bza' dang /
spyan gzigs dang / bshos gtsang la sogs pa dang / rgyan dang / lhab lhub thams cad kyis mchod par 'gyur ro/ /sdig pa thams cad dang bral bar 'gyur zhing dge ba'i rtsa ba thams cad dang ldan par 'gyur ro/ /sangs rgyas dang / byang chub sems dpa' thams
cad mthong bas yang dag par dbugs 'byin par 'gyur ro/ /lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po thams cad dang / lag na rdo rje la sogs pa gsang ba pa'i bdag po dang bcas pa rnams
dang / rgyal po chen po bzhi po rnams phyi bzhin yang dag par 'brang zhing srung ba dang / skyob pa dang / sbed par byed do/ /'di nas shi 'phos na yang 'jig rten gyi khams bde ba can du skye bar 'gyur te/ yon tan gyi khyad par 'di dag ni ma bsgrubs par lan cig ngan pa tsam gyis thob par

238b - 239b