dang byang chub sems dpa' thams cad la phyag 'tshal lo/ /'di skad bdag gis thos ba dus gcig na/ bcom ldan 'das rgyal po'i khab na bya rgod kyi phung po'i ri la bzhugs te/ de nas gnod sbyin gyi sde dpon chen po nag po bcom ldan 'das
ga la ba der song ste phyin nas/ bcom ldan 'das la 'di skad ces gsol to/ /bcom ldan 'das rgyal po'i khab kyi grong khyer chen po 'dir mig nad dag byung na de dag la ji ltar bsgrub par bgyi/ bcom ldan 'das kyis bka' stsal
ba/ nag po mig nad kyi sngags kyi tshig 'di dag yod de/ tad+ya thA/ ru d+hi re phuH/ ru d+hi ra ak+Shi phuH/ ru d+hi ra piM ga le phuH/ bA te phuH/ ba te le phuH/ han+te phuH/ mA~M sa dun+du b+hi phuH/ pad+ma ak+Shi phuH/ pad+ma daN+Da hi ra NI ye
phuHswA hA/ bcom ldan 'das kyis de skad ces bka' stsal nas/ gnod sbyin gyi sde dpon chen po nag po yi rangs te/ bcom ldan 'das kyis gsungs pa la mngon par bstod do/ /cho ga ni 'di yin te/ srad bu dkar po la lan bdun bzlas
pa byas te mdud pa bdun dor ro/ /chu la lan bdun bzlas pa byas la lag pas bya bas na mig nad zhi bar 'gyur ro/ /'phags pa mig nad rab tu zhi bar byed pa'i mdo rdzogs // @#/ /dkon
mchog gsum la phyag 'tshal lo/ /he b+ha ga bA na/ many+dzu shrI ku mA ra/ sarba ta thA ga ta/ ba la bi d+hi dz+nya/ sarba ta thA ga tA nAM/ nA gai sti tiSh+Tha/ sarba satwA nAM swA hA/ 'brum bu'i nad zhi bar byed pa'i gzungs rdzogs // //
@#/ /rgya gar skad du/ Ar+ya ar+sha pra sha ma ni swA hA/ bod skad du/ 'phags pa gzhang 'brum rab tu zhi bar byed pa'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus

181a - 182a