de las bzhengs te/ tshe dang ldan pa kun dga' bo la bka' stsal pa/ kun dga' bo khyod song la mig rnam par sbyong ba'i rig sngags 'dis shAkya bde ba la bsrung bgyis shig /yongs su gzung ba dang / yongs su bskyab pa dang / yongs su
bskyang ba dang / zhi ba dang / bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / dug gsad pa dang / mtshams gcad pa dang / sa bcing bgyis shig /de dang de bzhin du 'khor bzhi bo dge slong rnams
dang / dge slong ma rnams dang / dge bsnyen rnams dang / dge bsnyen ma rnams dang / sems can gzhan gyi mig kyang rnam par sbyongs shig /mig gi sbubs rnam par sbyongs shig /mig gi skyon med par gyis shig /tad+ya thA/ hi li mi li/ ki li mi
li/ hi li te mi li/ hu yA hu yA hU A ma ni/ hu lu hu lu hu lu hu du hu du hu du/ tsak+Shur me bi shod+ha ya swA hA/ kun dga' bo rig sngags kyi rgyal mo mig rnam par sbyong ba 'di ni mig gi skyon dang / rlung gi skyon dang / mkhris pa'i skyon dang / bad kan gyi skyon dang /
'dus pa las gyur pa'i skyon sel te/ tshul khrims kyi bden pa dang / brtul zhugs kyi bden pa dang / drang srong rnams kyi bden pa dang / rten cing 'brel par 'byung ba'i bden pa dang / sdug bsngal gyi bden pa dang / kun 'byung gi bden pa dang / 'gog pa'i
bden pa dang / lam gyi bden pa dang / dgra bcom pa rnams kyi bden pa dang / rang sangs rgyas rnams kyi bden pa dang / sangs rgyas bcom ldan 'das rnams kyi bden pas shAkya bde ba'i mig na bar ma gyur cig /mchi ma 'dzag par ma gyur cig /kun du mchi ma 'dzag
par ma gyur cig /bdag dang sems can thams cad kyi mig rnam par dag par gyur cig swA hA/ kun dga' bo rig sngags kyi rgyal mo mig rnam par sbyong ba 'di ni yang dag par rdzogs pa'i sangs rgyas drug gis gsungs ba'o/ /nga yang da lta 'chad de/ rgyal po chen po bzhi dang /

176b - 177b