@#/ /sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa/ thams cad mkhyen pa la phyag 'tshal lo/ /bcom ldan 'das snying rje'i tsan+dan dri zhim po'i spos kyis byugs pa'i sku/ zhabs pad+ma lha dang lha ma yin gyi nor bu'i
cod pan can gyis gtugs pa/ rang byung sel mdzad/ bla ma/ 'jig rten thams cad la phan par mdzad pa/ ston pa de bzhin gshegs pa/ thub pa nyes pa dang bral ba/ zhi ba'i bdag nyid can/ gzugs mdzes pa/ mtshan gsal ba'i gzi brjid can/ sku
dpe byad kyis brgyan pa/ yon tan thams cad yang dag par rdzogs pa la phyag 'tshal lo/ /pad+ma rgyas pa ltar zhal bzhad de/ tshems dkar zhing snyoms la thags bzang bas rab tu rgyas shing snang la nor bu dri ma med pa ltar 'od gsal zhing mdzes te/ spa zhing gsal ba/
nyi ma 'od zer stong 'bar ba mang po'i 'od snang ba'i dkyil 'khor zil gyis gnon pa/ thub pa'i mchog stobs bcu dang ldan pa la phyag 'tshal lo/ /'dud do/ /rab tu 'dud do/ /bstod do/ oM b+ho hU~M hU~M/ A A/ hI hI/ shi ba shi ba/ shAn+ti shAn+ti/ sha ma sha ma/ sha mA pa
ya/ ta thA ga tA nu ga ta/ swa b+hA ba/ a b+hA ba/ sa mut+tA ya/ a sa ma pa la/ a bi ra la ba la/ a mi ta ba la/ a ti ba la/ hU~M g+hu~M g+hu~M/ d+hau d+hau/ b+h+rau b+h+rau/ b+h+we du b+h+we du/ hI hI/ b+ha ga bA na/ b+ha bA na ta ka su ra ta b+ho ga ma hA shAn+ti ka ra/ pA pa kilpi Sha nA sha ka swA hA/
de nas dpe byad mtshan gsal bas/ /yan lag thams cad rab brgyan cing / /nyi ma bzhin du gsal ba bo/ /'bar ba'i dkyil 'khor rgyan mnga' ba/ /grags shing dri ma ra ba spangs la/ /dri med skyon bral chos kyi blo/ /khyab bdag chen po'i stobs bcur ldan/ /rdul
bral dpal dang ldan pa po/ /rin chen sa gzhi chen po la/ /pho brang rtse mo rdo rje'i rtse/ /rgyal ba'i sras rnams gnas gyur ba/ /nor bu du ma rab 'phro zhing / /'od zer dri med gsal bkod pa'i/ /rdo rje'i dkyil 'khor pho brang na/ /thub pa'i longs spyod sa gzhi la/ /

95b - 96b