'bru rnams 'phel mdzad pa/ /bdag gi bu dang tsha bo dang / /g.yog 'khor rtag tu mang gyur pa/ /phyir zlog pa 'di brjod par bya/ /lha dang lha min g.yul bkye ste/ /brgya byin lha min rnams las pham/ /de nas rings pa kho nar
ni/ /'jig rten dbang gi drung 'ongs te/ /de nas snying ni rab skrag pas/ /'di skad kyi ni tshig gsol to/ /lha min bdag pham 'jig rten dbang / /ji ltar bdag gis nan tan bgyi/ /'jig rten dbang po bdag la ni/ /lha yi gzigs pas rtag tu
gzigs/ /brgya byin gyi ni tshig gsan nas/ /dbang phyug gis ni 'di skad gsungs/ /lha yi dbang po nga la nyon/ /khyod la ngas ni srung ba sbyin/ /lha'i dbang po sngon byung ba 'das pa'i dus na 'jig rten gyi khams 'jig rten gyis rnam par bltas pa zhes
bya ba na/ de bzhin gshegs pa dgra bcom pa yang dag par rdzogs pa'i sangs rgyas 'jig rten dbang phyug 'od las ngas gtsug gi nor bu zhes bya ba'i phyir zlog pa de bzhin gshegs pa bye bas gsungs pa bzung ngo / /mkhas pa gang gis rig sngags 'di/ /
bris nas spyi bor 'dogs pa'am/ /'don tam 'on te klog na yang / /de yi 'jigs pa kun med de/ /rtag tu bsrung zhing sba ba dang / /g.yul 'gyed pa na rgyal bar byed/ /sdig dang rmi ngan zhi ba dang / /bsod nams bkra shis rab tu 'phel/ /
lha yi dbang po de bas na/ /gang zhig rgyal bar 'gyur 'dod pas/ /bris te spyi bor gdags par bya/ /yid la rtag tu dran par gyis/ /g.yul 'gyed 'ba' zhig ma yin te/ /'di ni rtag tu sdig pa 'phrog /bud med rnams la bu pho skyed/ /mngal
na gnas pa yongs su skyong / /phun sum tshogs pa thams cad byed/ /sdig pa thams cad rab tu 'jig /'di med phyir zlog byed ces bya/ /yan lag rnams la phyir 'bab byed/ /lha'i dbang po phyir zlog pa zhes bya ba rig sngags kyi rgyal mo chen mo

265b - 266b