ka Ta~M ka Te/ ka ro Te/ ka ro ta/ bIr+ye swA hA/ bcom ldan 'das de'i spyan sngar ba'i lci bas la ma lhung bas so sor maN+Dal brgyad byas la/ maN+Dal re re la lan bcu gsum gyi bar du bzlas la lci ba lhag ma la sngags bzlas te/ nad pa la nye
bar byugs na nad thams cad nye bar zhi bar 'gyur ro/ /gal te nyi ma bdun nam/ bcu gsum mam/ nyi shu rtsa gcig gis 'grub ste mtshams med pa lnga byas pa ni ma yin no/ /de ltar ma grub na bdag gis mtshams med pa lnga byas par 'gyur ro/ /
seng ge sgras dam bcas pa'i gzungs rdzogs so// //rgya gar gyi mkhan po ngag gi dbang phyug dang / lots+tsha ba klog skya shes rab brtsegs kyis bsgyur ba'o// @##/ /rgya gar skad du/ ka ru Na a gra nA ma d+hA
ra NI/ bod skad du/ snying rje'i mchog ces bya ba'i gzungs/ thams cad mkhyen pa la phyag 'tshal lo/ /phyag na pad+ma bsnams pa/ sems can sdug bsngal rnam pa sna tshogs kyi tshang tshing du nub pa rnams yang dag par bsgral ba'i phyir blo gros
shar ba la phyag 'tshal lo/ /de bzhin gshegs pa'i gsang sngags kyi mchog snying rje chen po'i rtse mo 'char ba/ thogs pa med pa'i don yod pa'i las kyi dngos grub de bzhin gshegs pa'i zhal nas byung ba/ sems can gyi dkyil 'khor ma lus pa'i
las kyi sgrib pa dang / ngan song gi sdug bsngal rnam pa sna tshogs zhi bar byed pa/ phan pa ma yin pa dang / bkra mi shis pa dang / rmi lam ngan pa dang / ltas ngan pa thams cad dang / nad rnam pa du ma dang / dus ma yin par 'chi ba
rnam pa sna tshogs rab tu zhi bar byed pa/ stong chen po rab tu 'joms par byed pa bshad par bya ste/ thog mar bcom ldan 'das bsod nams kyi tshogs du ma bye ba phrag 'bum gyis brgyan pa'i sku mnga' ba la phyag 'tshal nas brtsam par bya'o/ /

242a - 243a