puSh+pe swA hA zhes bzlas te byin gyis brlabs pas/ kun du bzang po'i mchod pa'i sprin phung phun sum tshogs pas rnam par 'khrigs shing / char gyi rgyun bzhin du 'bab bar 'gyur ro/ /de bzhin du yid kyis kyang dmigs so/ /mchod rten mchod pa rnam pa lnga
po cha re res mchod cing / yon du dar bu chung dang / 'phan la sogs pa'i bla re dang / gdugs bu chung yang rung ste re re dbul lo/ /de ltar cho ga bzhin du btab pa lags na dgongs pa rgyud kyi ting nge 'dzin gsal bar bya ba ni mchod rten gyi phyogs bzhi dbus dang lngar
rigs lnga'i sangs rgyas sku mdog dang / rgyan dang / cha lugs dang / 'khor phun sum tshogs pa tshul bzhin du dgongs te dmigs par bya'o/ /ye shes lnga las grub pa'i mchod rten de yang rang bzhin gyis rnam par dag cing gsal ba/ de dag bum pa'i dbus
su bi ma la uSh+NI Sha'i gzungs kyi snying po dang / rigs lnga so so'i snying po 'bru re kha dog gser btso ma bzhin du dang zhing 'tsher ba cig tu dmigs la/ de dag las ye shes kyi 'od zer sna tshogs 'byam klas par rigs lnga phyogs bcur 'phros pa las de bzhin gshegs pa'i
sku'i sprin gyis nam mkha'i mthas klas shing / chos kyi dbyings kyi mur thug par brgyan cing grub par gyur nas/ 'jig rten gyi khams thams cad byin gyis brlabs te/ 'gro ba thams cad kyi don 'di mdzad cing / re ba bskang nas slar 'dus te/ de nyid kyi
dbu'i gtsug dang thugs kar phog /'phrin las kyi sgrib pa la sogs pa rnam par dag ste/ sku dang / gsung dang / thugs rdo rje nyid du gyur par dmigs la/ dung phor gyi nang du spos chab dang / dri sna tshogs sbyar ba'i ar+g+has gsol to/ /ar+g+ha'i phyag
rgya bcings la/ de'i steng du dung phor bzhag la spos chu'i nang du a dkar po las zla ba'i dkyil 'khor du gyur pa'i 'od zer gyis spos chu nyid ye shes kyi bdud rtsi'i rang bzhin du gyur par dgongs shing dmigs te/ mchod pa dbul ba'i rig pa chen mo 'di brjod par bya'o/ /

134a - 135a