po rnams skrag par byed pa/ srin po rnams sngangs par byed pa/ rang gi gsang sngags rnams rdzogs par byed pa/ gzhan gyi gsang sngags rnams phur bus 'debs pa/ nus pa rnams ston par byed pa/ gsod par byed pa gsod pa/ gnod par byed pa phung bar byed pa/ de
der song nas lha rnams dang / lha'i bu rnams dbang du byed de/ de ltar drag po ba drag po grub pa dang / khyab 'jug pa khyab 'jug grub pa dang / lha ma yin pa lha ma yin grub pa dang / de dag spyir skul zhing dkyil 'khor du 'jug /skyod par byed/ mthu ston par byed/ brjed par
byed/ rnam par skrag par byed do/ /stobs bcus dgongs pa bka' stsal pa'i rdo rje 'chang gis rdo rje mi 'pham pa me ltar rab tu rmongs byed ces bya ba'i gzungs gsung ba dang / gzungs 'di'i stobs dang / bden pa'i byin gyi rlabs kyis 'od kyi 'od zer gyi dkyil 'khor chen po las
byung ba'i 'od zer rnams kyis rdo rje dang bcas pa'i lag na rdo rje bskul nas/ 'od nges de rab tu dga' ste rdo rje las snang ba bkye ba rnams kyis sa gsum gyi ston gyi skar ma dang / zla ba'i 'od zil du brlag par byas nas snang ba gcig pur byed cing rgya mtsho chen po ni skems/ ri'i rgyal po ri
rab ni g.yo bar byed/ glog gi 'khor lo dang / lce 'bebs pa'i 'brug ni bsgrags/ sgra drag po ni phyung / bsgyengs pa'i sgra ni bsgrags/ skrag par byas so/ /de na rdo rje mi 'pham pa me ltar rab tu rmongs byed ces bya ba'i gzugs me lce 'od 'phro chen po khong na 'dug pa/ skra tshogs
gser dang rin po che 'dra ba/ rdo rje 'chang ba rdo rje'i bu mo zhes bya ba'i bcom ldan 'das ma des lan gsum bskor ba byas nas/ yid las ches mgyogs pa'i thugs 'od 'phro zhing 'bar ba lta bur drag pas byang chub sems dpa' sems dpa' chen po rdzu 'phrul chen po la skyabs su song ngo / /
de 'ongs pa dang / 'phags pa rdo rje 'chang gis smras pa/ skal pa chen po dge ma de bzhin gshegs pa'i ting nge 'dzin gyis sems dang ldan ma/ 'di dag la lag cha dang mthun par bya ba'i stobs byin cig /de nas gzungs kyis smras pa/ 'di dag bka' stsal pa de bzhin du bgyi'o/ /

3a - 4a