ba/ /deng 'dir bde gshegs bkra shis phun sum tshogs gyur cig /sangs rgyas rabs bdun gyi bkra shis kyi tshigs su bcad pa rdzogs so// @#/ /rgya gar skad du/ pany+tsa ta thA ga ta maM ga la gA thA/ bod
skad du/ de bzhin gshegs pa lnga'i bkra shis tshigs su bcad pa/ dkon mchog gsum la phyag 'tshal lo/ /rnam par snang mdzad ye shes dam pa mtsho chen ldan/ /zla ba nya 'dra'i sku mnga' srid pa'i mthar phyin pa/ /dgongs pa mtha' dag rdzogs
pa'i bkra shis gang yin pa/ /bkra shis des ni skye dgu rnams la zhi byed shog/ mi 'khrugs rgyal po srid dang gti mug rnam sbyong ba/ /mgon po yon tan thams cad rdzogs pas bkra shis pa/ /dge mnyam bsam sems ldan pa'i bkra shis
gang yin pa/ /bkra shis des ni skye dgu rnams la zhi byed shog /sangs rgyas yon tan kun gyi rgyan gyis brgyan mdzad cing / /yang dag bden pa'i 'byor pa sbyin mdzad mi slu ba/ /rin chen 'byung ldan zhes bya'i bkra shis gang yin pa/ /bkra shis
des ni skye dgu rnams la zhi byed shog /bsam gtan ting 'dzin ye shes dam pa pha rol phyin pa'i gnas/ /ye shes pad+ma'i steng bzhugs dpag med tshe ldan zhing / /tshe grangs med par byin gyis 'ob pa'i bkra shis gang yin pa/ /bkra shis des ni skye dgu
rnams la zhi byed shog /sems can don gyi las la thugs ni sbyor mdzad cing / /'gro ba kun gyi 'ching bas bcings las grol mdzad pa/ /thub mchog don yod grub pa'i bkra shis gang yin pa/ /bkra shis des ni skye dgu rnams la zhi byed shog /de bzhin gshegs
pa lnga'i bkra shis tshigs su bcad pa rdzogs // @#/ /dkon mchog gsum la phyag 'tshal lo/ /rigs gsum gyi bkra shis/ bcom ldan gser mdog ri yi rgyal po 'dra/ /'jig rten gsum mgon 'jam dpal

261a - 262a