dang / dpung gnyen dang / mi g.yo ba gang yin pa'i mya ngan las 'das pa'i chos kyi mchog de reg cing thob par gyur cig /gnod sbyin gang dag bzhon pa mi zad dpung can lha rdzas gos gyon phreng ba thogs/ gang dag 'jig rten gsum
mchod mkhas pa rnams kyis brjod pa'i sangs rgyas skyabs song ba/ lngas rtsen lag na rdo rje nor sbyin dpal can nor bu bzang sras la sogs pa/ de dag thams cad lhan cig rtag tu khyod kyi khyim du chos bzhin srung bar shog /lngas rtsen dang ni 'phrog ma
bu sdug 'khor bcas nor bu bzang sras dpung dang bcas rnams dang / gnod sbyin dbang po lag na rdo rje rang gi sde tshan bcas dang rang gi sder bcas dang / /gzhan yang gnod sbyin dbang po gang dag sde chen grags ldan bstan pa dag la dga' ba rnams/ /thams cad
mthun par khyod kyi pha tshan dang ni gnyen sdug bcas la rtag tu skyong gyur cig /mtshan mo dang ni nyi ma 'char ka nyi ma'i gung rnams dang / /nyi ma nub kar rtag tu khyod la bkra shis ldan par shog /dpal chen lag na rdo rje nor bu bzang dang 'phags skyes sogs/ /khyod
dang gnyen 'dun rnams dang bcas la yongs su skyong gyur cig /gtong la dpa' ba rnams kyang khyim 'khor stobs dang 'byor pa grub cing mi nad med par shog /yon gnas rnams kyang yon tan tshogs pas 'phel bar 'gyur zhing 'bru rnams rab tu rgyas par shog /mchod
rten rnams kyang mchod par 'gyur cing bcom ldan 'das kyi bstan pa yun ring 'bar bar shog /rgyal po chos bzhin byed pas skyong gyur sems can mtha' dag dga' bzhir bde bar myong gyur cig /sbyin pa'i rabs las 'byung ba'i smon lam rdzogs // //
@#/ /dkon mchog gsum la phyag 'tshal lo/ /gang la ser sna rnams chags pa/ /rnam bcom dri ma med mdzad cing / /thugs zhi gnod pa mi mnga' de/ /khyed la bde legs mdzad par 'gyur/ /'dren pa gang zhig 'gro ba rnams/ /thar pa'i lam du 'dzud

255b - 256b