ma hA kA ru Ni kA ya/ tad+ya thA/ o~M tsakra brti/ tsin+tA ma Ni ma hA pad+me ru ru tiSh+Tha/ dz+wa la A kar+Sha ya hU~M phaT swA hA/ rtsa ba'i sngags rdzogs // //o~M pad+me tsin+tA ma Ni dz+wa la hU~M/ snying po'o/ /o~M b+ha ra ta pad+me hU~M/ nye ba'i snying po'o/ /o~M ma Ni
badzre Ni hU~M/ gsang ba'i snying po'o/ /sngags snying bzhi 'byung ba dang / smon lam dang tshigs su bcad pa dang sngags su bcas pa rdzogs // @#/ /dkon mchog gsum la phyag 'tshal lo/ /'jig rten 'di'am
gang dag 'das pa dang / /mtho ris dag na rin chen mchog yod pa/ /de bzhin gshegs pa lha yi lhar gyur pa/ /mi yi mchog dang 'dir ni mtshungs pa med/ /de bas 'di ni rin chen mchog tu gsungs/ /bden pa de yis 'dir ni dge bar shog /zad pa chags bral bdud
rtsi 'dus ma byas/ /shes pas shAkya thub des rab tu phye/ /bdud rtsi zhi ba 'dus byas ma yin pa/ /chos de dang ni mtshungs pa gang yang med/ /de bas 'di ni rin chen mchog tu gsungs/ /bden pa de yis 'dir ni dge bar shog /mchog tu gang 'dod tshul bzhin
rab bstan pa/ /ston pa'i rnal 'byor bla med rtag sgrub pa/ /rdo rje lta bu'i mig gnyis lam mthong ba/ /ting 'dzin de dang mnyam pa yod ma yin/ /de bas 'di ni rin chen mchog tu gsungs/ /bden pa de yis 'dir ni dge bar shog /gang zag chen po brgyad po rab
bsngags shing / /gang zag zung bzhir brjod pa de dag ni/ /drang srong chen po gang zag mtshungs med pa/ /bde bar gshegs pas sbyin pa'i gnas zhes gsungs/ /de la byin na 'bras bu cher 'gyur te/ /zhing rab gshin la sa bon btab pa bzhin/ /'di ni dge
'dun rin chen mchog tu gsungs/ /bden pa de yis 'dir ni dge bar shog /gang dag brtan pa'i yid kyis rab brtson zhing / /gau tam yi bstan la 'jug byed pa/ /de dag thob nas bdud rtsi 'jug thob ste/ /mun pa bsal nas mya ngan 'das thob pa/ /de

252b - 253b