sar+b+ba ma n+ya pra hA Ne swA hA/ dge ba'i rtsa ba de dag dang / sangs rgyas kyi zhing gi yon tan yongs su sbyong ba dang / de bzhin du sems can yongs su smin par bgyis pa'i dge ba'i rtsa ba dang / rab tu 'byung ba'i dge ba'i rtsa ba dang / de bzhin
gshegs pa la mchod pa dang / rim gro dang / bsnyen bkur bgyis pa'i dge ba'i rtsa ba dang / pha ma dang / bla ma dang / yon gnas dang / mkhan po dang / slob dpon dang / dman pa dang / bkren pa dang / sdug phongs pa las bsgrubs pa'i dge ba'i
rtsa ba dang / dam pa'i chos rnam par 'byed pa'i dge ba'i rtsa ba dang / rjes su yi rang ba dang / mthol ba dang / bshags pa dang ldan pa dang / phyag 'tshal ba dang mchod pa dang ldan pa dang / byis pa nas bzung nas da ltar ram/ skye ba thog ma dang tha ma ma mchis
pa'i 'khor ba na 'khor ba'i skye ba gzhan dag tu bsags pa nas phung po lhag ma med pa'i mya ngan las 'das pa'i mtha'i bar gang lags pa de dag sems can thams cad dang thun mong du bgyis nas/ mchog dang / gtso bo dang / gya nom pa dang / rab dang / phul dang / bla
na ma mchis pa dang / gong na ma mchis pa dang / gong ma'i yang gong ma dang / mnyam pa ma mchis pa dang / mi mnyam pa dang mnyam pa dang / dmigs pa ma mchis pa dang / rnam par rtog pa ma mchis pa dang / mtshan ma ma mchis pa dang / spros pa ma mchis
pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang sems grol ba dang / rnam pa thams cad kyi mchog dang ldan pa'i stong pa nyid kyi yongs su bsngo bas yongs su bsngo bar
bgyi'o/ /ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang / byang chub sems dpa' de rnams kyis gnyis su med pa'i chos nyid mngon du mdzad nas yongs su bsngos pa dang / yongs su bsdo ba dang / yongs su bsdo

249b - 250b