a ti mug ta ka smyugs pa'i yam sreg shing la 'gro lding ba'i rig sngags kyis btab ste lan bcu bzhir sbyin sreg bya'o/ /'byung po dbang du bya bar 'dod pas ra'i 'o ma dang / ra'i mar dang / shing a pa marga'i yam sreg shing dag la 'gro lding ba'i rig sngags
kyis btab ste lan lngar sbyin sreg bya'o/ /'gro ba thams cad kyi ched du sbyin sreg bya bar 'dod bas 'bras thug po che dang ba'i 'o ma dang / ru rta dang / rgyam tsha dang / shing ka ra bIr gi ra dkar po'i yam sreg shing la lan nyi shu rtsa gcig bzlas brjod byas te sbyin sreg
byas na sems can thams cad kyi ched du sbyin sreg byas par 'gyur ro/ /rnyed par bya ba'i don du ru rta dang 'bru mar las 'gro lding ba'i rig sngags kyis lan bdun bzlas brjod byas te gdong bkrus nas smras na gang bslangs pa de thob par 'gyur ro/ /thams cad du
yang de bzhin gshegs pa'am de bzhin gshegs pa'i mchod rten la spos dang / phreng ba dang / byug pa dang / me tog dang / bdug pa dang / phye ma dang / byug pa rnams kyis mchod cing ci nus kyis lha bshos dag kyang dbul bar bya ste/ bsrung ba dang
bcas cho ga dang bcas pas mi mjed kyi sems can thams cad bsrungs par gyur cig swA hA/ 'di ni dngos grub bo/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / gzhon nu sgra gcan zin dang / thams cad dang ldan
pa'i 'khor de dang lha dang mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do// //'phags pa me kha la zhes bya ba'i gzungs rdzogs // //
rgya gar gyi mkhan po pradz+nyA war ma dang / zhu chen gyi lo ts+tsha ba ban+de ye shes sde la sogs pas bsgyur cing zhus te gtan la phab pa//

111a - 112a