rten pha rol thur du 'bab 'gyur te/ /dud 'gro glen lkugs gcig la gcig za dang / /gyen thur 'bab 'dzeg g.yang sa ngal ba'i lam/ /'jigs shing dngangs skrag shin tu skyi g.ya' ba/ /zon dang bcas pa'i sdug bsngal bsam mi khyab/ /
ltogs shing skom dang lus mi 'tsham/ /bza' btung snang yang gzhan gyis bsrungs pa dang / /kha cig zos kyang me dang mtshon du 'gyur/ /ltogs shing skom pa'i sdug bsngal bsam mi khyab/ /dmyal bar skyes pa'i sems can de dag ni/ /rang
dbang med par gshin rje gdug pas khrid/ /bsregs shing btsos ti mtshon gyis rab tu 'thub/ /bsran glags med pa'i sdug bsngal tsha dang grang / /des na tshe 'dir sdig pa'i las byed pa/ /rang gis rang la mngan ni cher byas yin/ /bskal pa mang por sdug
bsngal drag pos gdungs/ /thar pa'i dus med bsran pa'i glags kyang med/ /dran pa gsal bas las kyi 'bras bur shes/ /sdug bsngal ma bzod smre sngags rang la rmo/ /skad ngan drag po'i ku sgras gzhan yang skrag /de la sogs te sdug bsngal bsam mi
khyab/ /gang dag nyes dmigs rab tu shes gyis la/ /ngan song gsum gyi rgyu rnams rab tu spangs/ /sdig pa'i rnam pa phra rags gang la yang / /lus ngag yid kyi sgo nas spyad ta re/ /rang yang bde la 'gro rnams yongs la phan/ /chags sdang rmongs spangs snying
rje'i rtsa ba brtan/ /sgo gsum dang bas 'bad de dge ba spyad/ /shin tu zab pa'i snying po 'di la 'bad/ /me tog sad kyis khyer ba'i 'bras bu la/ /so nam byas kyang myu gu mi skye ltar/ /sdom nyams the tshom zos pa'i gang zag gis/ /shin tu zab pa'i rig sngags
bsgrub gyur kyang / /byin brlabs 'byung ngo snyam yang 'byung mi srid/ /rtsol ba de dag ngal ba don med 'gyur/ /rig sngags de yang skye bo'i tshig dang mtshungs/ /ting 'dzin rnams kyang byis pa'i bsam pa 'dra/ /skyon med skyes bus rig sngags de bsgrubs na/ /ji ltar

222b - 223b