dA na shI la dang / zhu chen gyi lots+tsha ba ban+de ye shes sdes bsgyur cing zhus te skad gsar bcad kyis kyang bcos te gtan la phab pa// @#/ /rgya gar skad du/ sarba ta thA ga ta/ mA tarnI tA ra
bi shwa karma b+ha ba tan+t+ra nA ma/ bod skad du/ de bzhin gshegs pa thams cad kyi yum sgrol ma las sna tshogs 'byung ba zhes bya ba'i rgyud/ 'phags pa 'jam dpal la phyag 'tshal lo/ /'di skad bdag gis thos pa dus gcig na/ bcom ldan 'das
dga' ldan gyi gnas na bzhugs te/ byang chub sems dpa' byams pa dang / 'jam dpal la sogs pa dpag tu med pa dang / ku ru kul+le dang / ri khrod lo ma can las sogs pa dang / tshangs pa dang brgya byin la sogs pa dpag tu med pa dag gis
lha rdzas kyi me tog pad+ma dang / ku mu da dang / man dA ra ba la sogs pa lha rdzas kyi me tog dpag tu med pa dag dang / dung dang / pi bang dang / rnga dang / rdza rnga dang / gau rgyud la sogs pa lha'i rol mo dpag tu med pa dang lha'i gdugs dang /
rgyal mtshan dang / ba dan la sogs pa dpag tu med pa thogs te/ bcom ldan 'das la g.yas phyogs nas bskor te/ mchod pa sna tshogs kyi mchod pa'i sprin gyis mchod do/ /de nas bcom ldan 'das kyis pha rol gyi sde rab tu 'joms pa rdo rje lta bu
zhes bya ba'i ting nge 'dzin la mnyam par bzhag ste/ bzhag ma thag tu sa chen po yang g.yos/ bdud kyi dkyil 'khor yang pham par byas te/ 'od kyi snang ba chen po yang bkye'o/ /de yang 'di lta ste/ dkar po dang / dmar po dang / ser po dang / ljang
gu dang / mthing ga dang 'dres pa ste 'od sna tshogs bkye ste/ sdug bsngal dang bcas pa rnams sbyangs te/ sangs rgyas thams cad kyi yum sgrol ma ku ru kul+le'i gtsug tu nub par gyur to/ /gtsug tu nub ma thag tu mchod pa'i sprin gyi char ba yang 'bab par gyur to/ /de

201b - 202b