pas 'di skad ces gsol to/ /bcom ldan 'das dge ba'i rtsa ba ji tsam gyis de rnams yang dag par ldan par 'gyur/ chos du zhig gis lhag par gnas pa lags/ byams pa des gang chos bcus 'di lta bu mthong ba kho na ste/ sangs rgyas dang byang chub sems dpa' thams cad dang / lha dang /
klu dang / gnod sbyin dang / dri za dang / lto 'phye chen po dang / nam mkha' lding dang / mi'am ci dang / la sogs pa rnams kyis kun tu bsrungs bar 'gyur ba dang / gzungs mnyam pa'i sems zab mo'i bzod pa dang ldan par 'gyur ba dang / dge ba'i chos las kun tu gnas pa'i sa ji srid du 'dri bar 'gyur ba dang /
bris nas 'chang bar 'gyur ba dang / glegs bam du 'gyur bar byas nas mchod par 'gyur ba dang / tshe dang nad med pa dang / dbang phyug dang / bde ba phun sum tshogs par 'gyur ba dang / bde 'gror 'gro ba ste/ phan yon mang po nyid dang / phan yon chen po nyid kyis chos kyi rnam grangs dang lha dang bcas pas
byin gyis brlabs pa/ rig pa dang / sngags chen po 'dus pa 'khor ba'i pha rol tu song ba bdag gis kyang yang dag par rgyu skar dang / mtshan mo dang / nyin mo dang / zla ba dang / lor bde ba'i ched du mtho ris su skye bar 'gyur ro/ /dge ba bcu'i las kyi lam dang grags pa 'phel zhing yongs su rdzogs par
'gyur ro/ /ral pa gyen brdzes 'chang ba po dang khyim du gzhag pa dang rab tu byung ba rnams la'o/ /de skad ces bka' stsal pa dang / bcom ldan 'das la yid kyis kyang thams cad dang ldan pa'i 'khor lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la
mngon par dga'o/ /ral pa gyen brdzes kyi rgyud phyi ma rdzogs so// //'di ni jo bo chen po a ti sha'i phyag dpe rwa sgreng nas dka' thub chen pos gdan drangs nas/ shAkya'i dge slong rin chen grub kyis 'phar ba'i lo cho 'phrul chen po rta'i zla ba'i tshes lnga la rdzogs par bsgyur ba'i yi ge
pa ni lots+tsha ba chen po 'di nyid kyi zhabs drung du nye bar gnas pa/ shAkya'i dge slong bsod nams grub kyis bgyis so/ /paN+Di ta la ma gtugs shing / /dpe dbang 'grel pa ma rnyed pas/ /sgra don log par gyur srid na/ /mkhas pa rnams kyis bcos par gsol// //

199b - 200b