rgyal ba la shu dag gi sbyin sreg gyis shig /rgyal bar 'gyur ro/ /lan tshwa las byung ba'i gzugs brnyan byas nas sbyin sreg gyis shig /dbang du 'gyur ro/ /sbrul gyi mche bas zin pa la yal 'dab kyi las so/ /sbrul las byung ba'i nyi ma bdun la dbang du byed do/ /'byung po dang sha za'i rgyas
btab pa la lan nyi shur bzlas pa'i yungs kar gyis bsnun par byas te rang gi gnas su 'gro'o/ /rtag tu bzlas pas skye bo thams cad dga' bar 'gyur ro/ /rgyal po'i pho brang du 'jug pas lan nyi shu rtsa gcig gdong la yongs su bzlas na gang mthong ba de dbang du 'gyur ro/ /sbyin sreg gi las
thams cad la nyi ma bdun du sbyin sreg bya'o/ /mdor na nye bar 'tshe ba thams cad 'joms par 'gyur ro/ /sna ma'i me tog gi sbyin sreg gis las thams cad byed do/ /las thams cad la dang por gang ba'i sreg blugs sbyin sreg gyis shig /las thams cad la yang las 'di nyid gyis
shig ces bya'o/ /gso sbyong can gyis bya ba'o/ /sems dpa' thams cad la sems kyis dmigs pas sa las byung ba'i ka pA la dang / sel+la ka la brgyad brgyar mngon par bsngags par byas nas gzhon nu mas mdud pa brgyad brgya bya'o/ /de nas de dri'i chus bkrus nas shing la bzhag ste/
de'i mgo la bcing bar bya'o/ /de bzhin du ma he rnams dang / ra rnams dang / phyugs rnams la chom rkun gyis nye bar 'tshe ba la rwa la bcing bar bya'o/ /bum pa chus gang bar byas nas gtsang mas brgyad brgyar mngon par bsngags par byas te nad pa'i rked pa la bcing bar bya'o/ /rang gi gnas
su 'gyur ro/ /khyim du tshangs pa'i srin po dang / sha zas nye bar 'tshe ba rnams la sbyin sreg gyis shig /ji ltar nus pa'i gtor ma bya'o/ /zhes te 'di ni ri khrod lo ma can zhes bya ba'i gzungs ral pa gyen brdzes kyi rgyud phyi ma gsungs pa byang chub sems dpa' yang dag par brjod pa'i mdo sde yang ngo / /
slar yang dus de'i tshe sangs rgyas bcom ldan 'das thams cad byang chub sems dpa' sems dpa' chen po 'phags pa spyan ras gzigs dbang phyug gi spyi bor phyag g.yas pa rab tu brkyang nas nyug par mdzad de 'di skad ces bka' stsal to/ /rigs kyi bu rin chen phreng bzhes bya ba'i gzungs

197a - 198a