sems dpa' spyan ras gzigs dbang phyug la 'di skad ces bka' stsal to/ /byang chub sems dpa' rnams kyi rtsa ba'i rig pa'i gzungs 'di ni bklags pas 'grub pa/ ma bsgrubs pa yang las rnams 'byung ba ste/ zla ba nya la gso sbyong can gyis nyin
mtshan du smyung bar gnas yang rung ngo / /spyan ras gzigs dbang phyug gi spyan sngar byang chub kyi shing gis me rab tu sbar nas til nag po stong phrag brgyad sbyin sreg gyis shig /de bzhin du nyi ma bdun du lan re'am thun gsum du byas na rgyal po'am/ rgyal po'i blon po
dbang du 'gyur ro/ /mtshan mo gsum du smyung bar gnas pas yungs kar dkar po stong phrag brgyad sbyin sreg gyis shig /phyogs sam zla bar yul gyis don du grog mkhar bdun gyi rtse mor song nas re re 'dzegs te/ nyi ma snga dro nas ji srid phyi dro'i bar bzlas par
bya'o/ /mtshams med pa grol bar byed do/ /bu 'dod na 'o ma'i sbyin sreg gyis shig /mtshan thams cad yang dag par rdzogs pa'i khye'u 'byung ngo / /gzungs 'di nyid kyis bdag nyid srung ba dang / gnod pas gdon 'bros par byed pa la bya bas pas sam/ rdzas
su bcings pas kyang rung ngo / /yang na chom rkun thams cad dbang du 'gyur ro/ /rtag par rgyun du zlos bzhin pa ni nor nye bar bsags par 'gyur zhing / dgra rnams las kyang rgyal bar 'gyur ro/ /de nas de bzhin gshegs pa 'od dpag med kyis slar yang ral
pa gyen brdzas kyi rgyud phyi mar gzungs kyi gsang sngags kyi tshig rnams gsungs pa/ na mo bu da d+hA ya/ na mo d+harmA ya/ na maHsaM g+hA ya/ tad+ya thA/ hu lu hu lu/ bi ma le/ nir ma le/ sho d+ha ni/ kA tsa ti/ mir pa Ta la/ sar+b+ba ni ro gaH/ bi na sha nits+tsha da ni/ ts+tsha da ni/ bA ta sa
mu t+Thi taM bA ta sa mu tiSh+Thi taM/ sh+leSh+ma/ san+ni pA ta sa mut+Thi taM sar+b+ba nA shA ni/ Ar+ya a ba lo ki te shwa ra s+ya/ te dza na na s+yan+tu/ ak+Shi ro gaHswA hA/ gzungs 'di'i cho ga ni 'di yin te/ bcom ldan 'das kyi spyan sngar dkyil 'khor byas nas mi snang bar gyur nas lag pa'am

195b - 196b