na/ dpag tshad brgya stong du mar mchi 'tshal na'ang dka' ba ma mchis par 'gyur lags so/ /sngags 'don pa'i tshe sgra 'byung bar mi bgyi'o/ /de la byang chub sems dpa' mig stong dang ldan pas rdzu 'phrul la rang dbang thob pa'i phyag rgya ni 'di lags te/ sngar sug pa
lag pa g.yon pa'i mthe bos mthe'u chung gi sen mo'i steng du reg par bgyi'o/ /de'i rjes la sug pa lag pa g.yas pa'ang de bzhin du bgyis nas/ sor mo gzhan gsum ni so sor yan par bsgreng ste/ lag ngar gyi tshigs sbyar nas spyi bo'i steng du bzhag ste/ lus po che'i
sngags lan brgya rtsa brgyad 'don par bgyid na/ drang srong 'phur te mchi bdag dang 'dra bar rang dbang du mchi bar 'gyur lags so/ /de la byang chub sems dpa' rnams sems rtse gcig tu spyan 'dren pa'i phyag rgya ni 'di lags te/ sug pa gnyis nam mkha' la thal mo sbyar te/
lag ngar gyi tshigs sbyar nas/ mdzub mo gnyis ni phan tshun rgyu bar bgyi'o/ /sngags ni 'di lta ste/ oM a ro lika te le/ lo ki bi do ya/ sarba ya dru/ bra maR+d+ha na ka rA ya pu ru swA hA/ bcom ldan 'das kyis de skad ces bka' stsal nas/ nyan thos chen po de dag dang / byang chub
sems dpa' de dag dang / tshangs pa chen po dang / lha dang / klu dang / gnod sbyin dang / dri zar bcas pa'i 'jig rten thams cad bcom ldan 'das kyis gsungs pa la mngon par bstod do// //byang chub sems dpa' spyan ras gzigs dbang phyug phyag stong spyan stong dang ldan pa thogs
pa mi mnga' ba'i thugs rje chen po'i sems rgya cher yongs su rdzogs pa zhes bya ba'i gzungs cho ga dang bcas pa rdzogs so// //zhu chen gyi lots+tsha ba ban+de chos grub kyis rgya'i dpe las bsgyur te gtan la phab pa// //
@#/ /bod skad du/ 'phags pa spyan ras gzigs dbang phyug gi gsang ba'i mdzod thogs pa med pa'i yid bzhin gyi 'khor lo'i snying po zhes bya ba'i gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos

129a - 130a