shwa li tsi ni ku she sam+b+ha be swA hA/ kun dga' bo 'di lta ste/ byang phyogs na ri'i rgyal po gangs zhes bya ba de na sA la'i shing rnam par rgyal byed ces bya ba de'i me tog gsum yod de/ gcig ni 'phel ba zhes bya/ gnyis pa ni 'jam pa zhes bya/ gsum pa ni skam po zhes bya ste/ ji ltar
de bskams pa de bzhin du sems can rnams kyi rlung gi 'brum bu bskams par gyur cig /mkhris pa'i 'brum bu bskams par gyur cig /bad kan gyi 'brum bu bskams par gyur cig /mi gtsang ba'i 'brum bu bskams par gyur cig /khrag gi 'brum bu bskams par gyur
cig /'dus pa'i 'brum bu bskams par gyur cig /de bzhin du bdag dang sems can thams cad kyi bad kan gyi 'brum bu bskams par gyur cig /mi gtsang ba'i 'brum bu bskams par gyur cig /khrag gi 'brum bu bskams par gyur cig /'dus pa'i 'brum bu bskams
par gyur cig /sna'i 'brum bu bskams par gyur cig /'phyang ba'i 'brum bu bskams par gyur cig /tad+ya thA/ sha me sha mA ne/ sha me sha mA ne swA hA/ na bar ma gyur cig /rengs par ma gyur cig /sgra 'byung bar ma gyur cig /'dzag par ma gyur cig /sdug bsngal
bar ma gyur cig /rab tu sdug bsngal bar ma gyur cig /zag par ma gyur cig /rab tu zag par ma gyur cig /'di nyid du zad pa dang / yongs su zad pa dang / med par gyur cig /sa'i 'og tu song shig /na mo b+ha ga ba te/ bud+d+ha ya sa t+ya bA tI na~M/ sid+d+h+yan+tu man+t+ra pa deHswA hA/
bcom ldan 'das kyis de skad ces bka' stsal nas/ tshe dang ldan pa kun dga' bo yi rangs te/ bcom ldan 'das kyis gsungs pa la mngon par bstod do/ /de la cho ga ni 'di yin te/ bklags pas grub pa 'di srad bu dmar po la lan bdun bzlas pa byas la/ mdud pa bdun
bor te mgul du gdags so/ /'phags pa gzhang 'brum rab tu zhi bar byed pa'i mdo rdzogs so// //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// //

61a - 62a