gzungs sngags gzhi 'di dag legs par brjod pa legs so legs so/ /de nas bcom ldan 'das kyis yang byang chub sems dpa' lag na rdo rje la bka' stsal pa/ lag na rdo rje rigs kyi bu'am/ rigs kyi bu mo gang la la zhig sgo bzang po zhes bya ba'i chos
kyi rnam grangs tshe skyong ba'i rig sngags 'di 'dzin cing / nang par langs nas klog pa de sangs rgyas thams cad kyis byin gyis brlabs par 'gyur/ lha'i dbang po dang / klu'i dbang po dang / gnod sbyin gyi dbang po dang / lha ma yin gyi dbang po dang / nam mkha' lding gi dbang po
dang / mi'am ci'i dbang po dang / lto 'phye chen po'i dbang po thams cad kyis bsams par gyur to/ /bcom ldan 'das kyis de skad ces bka' stsal nas/ byang chub sems dpa' lag na rdo rje dang / brgya byin dang / tshangs pa dang / 'jig rten skyong ba thams cad dang ldan pa'i 'khor
de dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa sgo bzang po zhes bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang / zhu chen
gyi lo tsA ba ban+de ye shes sdes bsgyur cing zhus te skad gsar chad kyis bcos nas gtan la phab pa// @#/ /rgya gar skad du/ Ar+ya ba hu pu tra pra ti sa ra nA ma d+hA ra NI/ bod skad du/ 'phags pa bu mang po rton pa zhes bya ba'i gzungs/
sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs te/ de'i tshe khyim bdag mgon med zas sbyin bcom
ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das bdag deng 'dir rgyal po gsal rgyal dang 'thab rtsod mtshang brus te bkye bar gyur na/ bcom ldan

51b - 52b