mtshan gyi rtse mo'i dpung rgyan ces bya ba gzhan gyis mi thub pa'i gzungs 'dis khyod g.yul sprod pa'am/ 'thab pa'am/ rtsod pa'am/ 'gyed pa'am/ gang du 'gro yang rung ste mi 'jigs shing thams cad du rgyal bar 'gyur ro/ /rgyal mtshan gyi rtse mo'am/ mgul du btags na
mi'i rgyal po dang / skyes bu dpa' bo thams cad la srung bar byed do/ /bud med kyi gzugs lta bur bsgyur nas mdun du 'dug ste mi 'jigs pa sbyin zhing srung bar byed/ dpal skyed par byed/ pha rol gyi sde spa bkong bar byed/ bkra shis pa dang / gtsang ba dang / grags
pa dang / dpal dang / phun sum tshogs pa kun tu gnas par byed do/ /bcom ldan 'das kyis de skad ces bka' stsal nas/ lha'i dbang po brgya byin dang / lha dang / mi dang / lha ma yin dang / dri zar bcas pa'i 'jig rten yi rangs te/ /bcom ldan 'das kyis gsungs pa la
mngon par bstod do/ /'phags pa rgyal mtshan gyi rtse mo'i dpung rgyan ces bya ba'i gzungs rdzogs so// //rgya gar gyi mkhan po dzi na mi tra dang / dA na shI la dang zhu chen gyi lo ts+tsha ba ban+de ye shes sdes bsgyur cing zhus te skad gsar bcad kyis kyang bcos nas gtan la phab pa// //
@#/ /rgya gar skad du/ Ar+ya tsun+da de bI nA ma d+hA ra NI/ bod skad du/ 'phags pa lha mo skul byed ma zhes bya ba'i gzungs/ /dkon mchog gsum la phyag 'tshal lo/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang
mdzad la phyag 'tshal lo/ /bcom ldan 'das lha mo skul byed ma mthu dang stobs dpag tu med pa dang ldan pa/ rdzu 'phrul dang pha rol gnon pa grub pa/ de bzhin gshegs pa thams cad kyis bsngags shing bstod pa khyod la phyag 'tshal lo/ /bdag rnam pa thams cad kyi
thams cad du dge bar mdzod cig /na maHsap+tA nAM/ saM myak+sam bud d+ha ko TI nAM/ tad+ya thA/ oM tsa le tsu le/ tsun+de swA hA/ brtson 'grus chen po/ thogs pa med pa 'dul ba/ stobs che ba/ pha rol gnon pa che ba/ phyag na ral gri dang / dgra sta dang / lcags kyu dang /

46a - 47a