me tog dang 'bras bus brgyan pa gcig pad ma'i steng du bzhag la/ gzungs klog pa nyid 'phags pa spyan ras gzigs dbang phyug gi skur bsgyur te/ bum pa de yang rin chen rdzing bu bdud rtsi'i chus gang bar bsams la/ chu de'i nang nas pad
ma dkar po cig byung bar bsams te/ pad ma de la 'phags pa spyan ras gzigs dbang phyug gi snying po yi ge dkar po bsams te/ yi ge de las 'phags pa spyan ras gzigs dbang phyug tu gyur par bsams la mchod pa dang / bstod
pa byas te/ gang bsgrubs pa'i dngos po grub par gyur cig ces gsol ba btab pas/ a mo g+ha pA sha'i gzungs mang pos bum pa de la lan bcu gsum du tshig gzhan mi smra bar bzlas te/ bum pa de'i chus de'i spyi bo nas blugs na
bgegs dang gdon la sogs pa las thar bar 'gyur ro/ /de la gos dang bcas par spyi bo nas blugs la/ blugs pa'i tshe yang gzungs klog pa dang / klog par bya ba gnyis kas kyang lus phyi nang gnyi sa dag pa dang / 'dre
gdon las thar bar sems rtse gcig tu sems shing bklag go/ /gos gsher ba de yang yugs dor ba'i thabs su bor la/ gos dkar po sar pa gon te/ spos dang / me tog la sogs pas lus brgyan pa de nyid lan cig
bklags pas lus bsrungs te bkra shis kyang bklag go/ /dkyil 'khor de'i kho ra khor yug tu 'jig rten skyong ba brgyad kyang so so'i ming smos te spyan drangs la mchod nas/ las gang bsgrub pa de grub par gyur cig ces smon lam btab nas/
mchod pa rnam pa lnga pa gcig gis mchod la/ 'byung po phal rnams la yang gtor ma rgya cher sbyin no/ /bdag srung ba dang / mtshams bcad pa yang a mo g+ha pA sha'i gzungs de nyid kyis tshul bzhin du byas na/ de yang tshes brgyad la bya ba'i
286a - 287a