kun slong byang chub rin chen thob mdzad rgyu/ /rtag par 'chang na gnas sgyur byed par 'gyur/ /de nas bcom ldan thub pa ches/ /blo ldan rnams la bka' stsal pa/ /legs so legs so sems dpa' che/ /gang dag de dag de bzhin du/ /
bde 'dod rnam par g.yeng ba dang / /des ni sdug bsngal mya ngan 'das/ /gdung ba chags sdang 'khrug pa dang / /des ni log pa'i chos 'dor yang / /dge sbyong log ltas tshangs pa'i gdon/ /sngags log spyod byed rig 'dzin gdon/ /gdul
dka' dag la rgyun / /skye ngan 'jigs phyir blo zab spyod/ /gang gi khyim du rgyud 'di yod/ /bri dang bklag dang mchod pa dang / /rim gro ched du gsal byed dang / /bkra shis tshe ring dpal 'byor skye/ /bcom ldan 'das kyis de skad ces bka'
stsal pa dang / /byang chub sems dpa' sems dpa' chen po'i tshogs de dag dang / rig pa'i lha mo dang / khro bo du ma dang / nyan thos kyi tshogs thams cad dang / /lha dang / mi dang / lha ma yin dang / dri zar bcas pa'i 'jig rten yi rangs te/
bcom ldan 'das kyis gsungs pa la mngon par bstod do// //'phags pa spyan ras gzigs dbang phyug gi rtsa ba'i rgyud kyi rgyal po pad+ma dra ba zhes bya ba las/ sbyor ba sna tshogs kyi le'u ste bcu gnyis pa'o// //'phags pa spyan ras gzigs
dbang phyug gi rtsa ba'i rgyud kyi rgyal po pad+ma dra ba zhes bya ba rdzogs so// //rig pa'i 'byung gnas rig pa'i 'od zer gyis shes rab pad+ma rgyas pa'i kha che'i yul bdud rtsi 'byung ba'i gtsug lag khang chen por paN+Di
ta chen po so ma shrI b+ha bya zhes bya ba dang / bod kyi lots+tsha ba kyu ra dge slong tshul khrims 'od zer gyis bsgyur cing gtan la phab pa// //

277b - 278b