sgrib pa thams cad rnam par sel ba la phyag 'tshal lo/ /de bzhin gshegs pa thams cad kyi cho ga /sangs rgyas thams cad kyis gzigs pa'i cho ga 'di grub par gyur cig /tad+ya thA/ s+phu Ta s+phu Ta/ s+phu Ta s+phu Ta/ s+phu Ta s+phu Ta/ s+phu Ta swA hA/ char mi 'bab pa'i tshe
dge slong ngam/ dge slong ma'am/ dge bsnyen nam/ dge bsnyen ma gang la la zhig gis mgo bkrus te gos gtsang ma bgos la/ byams pa'i sems dang ldan pas de bzhin gshegs pa'i mtshan 'di dag yi ger bris nas/ gdan gtsang ma la bzhag ste/ pog phor bdun
gyi nam mkha' la gyen du 'dug cing / de bzhin gshegs pa'i mtshan rnams lan lnga bcu'i bar du brjod la mchod pa chen po byas te/ zhag bdun gyi bar du rgyun ma chad par byas na char 'bab par 'gyur ro/ /'phags pa sprin chen po rlung gi dkyil 'khor gyi le'u klu thams cad
kyi snying po zhes bya ba theg pa chen po'i mdo rdzogs so// //rgya gar gyi mkhan po dzi na mi tra dang / su ren dra bo d+hi dang / zhu chen gyi lo ts+tsha ba ban+de ye shes sdes bsgyur cing zhus te gtan la phab pa// @#/ /rgya gar skad du/ Ar+ya ta pa swI
nA ga rA dzA pa ri prits+tshA nA ma d+hA ra NI/ bod skad du/ 'phags pa klu'i rgyal po gzi can gyis zhus pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das yul ma
ga d+hA na lus 'phags ri'i dbang po'i brag phug na bzhugs te/ de nas klu'i rgyal po gzi can kha dog shin tu 'phags pa dang ldan pa nam sros pa dang bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la
'di skad ces gsol to/ /bcom ldan 'das lus 'phags ri 'di ni ring po dag dge slong rnams la 'tshe na/ de la bdag gis ji ltar mi 'tshe bar bgyi/ de skad ces gsol pa dang / bcom ldan 'das kyis klu'i rgyal po gzi can la 'di skad ces bka' stsal to/ /klu'i rgyal

179b - 180b