par byed la/ sems can de dag kyang bsam pa yongs su dag par 'gyur te/ bram ze'i gzi brjid dang ldan par 'gyur ro/ /rtag tu tshangs par spyod par yang 'gyur ro/ /de bzhin gshegs pa gang gA'i klung bye ba khrag khrig phrag 'bum gyi bye ma snyed dag gi
dge ba'i rtsa ba dang ldan par yang 'gyur ro/ /rtag tu dgra thams cad shig par 'gyur ro/ /me tog gam/ bdug pa'am/ spos sam/ zas dang / skom gyi yo byad la lan nyi shu rtsa gcig bzlas brjod byas la/ sangs rgyas dang chos dang dge 'dun la dbul bar bya'o/ /
de ltar byas na rigs kyi bu'am/ rigs kyi bu mo'am/ dge slong ngam/ dge slong ma'am/ dge bsnyen ma des phyogs bcu'i de bzhin gshegs pa thams cad kyi sangs rgyas kyi zhing gi sangs rgyas dang chos dang dge 'dun la lha'i mchod pa dang de bzhin gshegs
pa'i mchod pa'i mchog gis mchod pa byas par 'gyur ro/ /bla mar byas/ ri mor byas par 'gyur ro/ /de bzhin gshegs pa thams cad kyis dgongs shing lung bstan pa dang / lha thams cad kyis kun du bsrung bar yang 'gyur ro/ /kun dga' bo song la ngo lon
yang gyis shig /sems can thams cad la yang yang dag par ston cig /dge ba'i rtsa ba'i tshogs thams cad kyang gyis shig ces nga smra'o/ /mo kha 'bar ma dbugs dbyung ba'i gtor ma'i cho ga rdzogs so// //
@#/ /bod skad du/ 'jur 'gegs zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /ser sna las cher lhag pa/ gzhan gyi la 'jur 'gegs byas pa'i nyes pa'i 'bras bu 'di lta ste/ 'phags pa shwa ri'i bu dang /
'phags pa maud gal gyi bu gnyis bas mtha' cig na/ so sor rtog pa'i shes rab yid la byed cing yod pa las/ nyi ma'i gung la gnyis pos khams seng du mchis pa'i sa na mo lus sngo la skam pa/ khog khog zer ba/ skra 'dzings pa/ mig dmar

133b - 134b