shi 'phos nas lha'i 'jig rten du skyes so/ /kun dga' bo khyod kyis zung la ngo lon gyis shig /na maHsarba ta thA ga ta a ba lo ki te/ oM saM b+ha ra saM b+ha ra hUM/ kun dga' bo 'dis kyi gtor ma la lan bdun bzlas brjod byas nas lag pa brkyangs te sgo drung du
sbyin par bya'o/ /se gol yang brdab par bya'o/ /de ltar byas nas byin ma thag tu phyogs bzhi'i gang gA'i klung bye ba khrag khrig 'bum phrag gi bye ma snyed dag tshim par byas par 'gyur te/ re re la yang yul ma gad+hA'i bre bo bdun bdun byin par
'gyur ro/ /de dag zos pa tsam gyis kyi 'jig rten nas shi 'phos nas lha rnams kyi nang du skye bar 'gyur ro/ /kun dga' bo khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun mi 'chad par bor zug
tu bsnyad par bya'o/ /de ltar byas na bsod nams kyi phung po dang ldan par 'gyur te/ tshe yang ring bar 'gyur ro/ /de bzhin gshegs pa bye ba phrag 'bum gyi bsod nams kyi phung po dang ldan par 'gyur ro/ /rtag tu mi ma yin pa rgyu ba 'byung po dang / sha za dang /
grul bum la sogs pa dang / gnod sbyin dang / srin po dang / gdon dang / rnams kyis mi mthong bar 'gyur ro/ /stobs dang / brtson 'grus dang yang ldan par 'gyur ro/ /gzugs dang ldan pa dang / gzi brjid dang ldan pa dang / dran pa dang
ldan par yang 'gyur ro/ /bram ze'i drang srong tshim par byed 'dod pa des ni mchod yon dang / dbul bar bya ba dang / snod bkang ba la lan bdun bzlas brjod byas la 'bab chu ga la yod pa'i gnas der sbyin par bya'o/ /de ltar byas nas bram ze'i drang srong gang gA'i
klung bye ba khrag khrig 'bum phrag du ma'i bye ma snyed dag lha'i bza' ba dang / btung ba rnams kyis tshim par byas par 'gyur ro/ /bram ze'i drang srong de dag kyang dbang po tshim par 'gyur te/ de dag thams cad kyis oM bde legs su gyur cig ces bya ba'i sgra 'byin

133a - 134a