byed nas/ stan las langs te shin tu rings pa dang / shin tu myur ba'i shugs kyis/ bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ 'dar bzhin du 'di skad ces gsol to/ /bcom ldan 'das
skyabs mdzad du gsol/ bde bar gshegs pa skyabs mdzad du gsol/ bdag ni gnangs srog 'gum par 'gyur lags so/ /bcom ldan 'das bdag gis mo kha 'bar ma mthong ste/ khyod gnangs 'chi bar 'gyur ro zhes mchi na/ bdag gis
thabs ci mchis zhes smras na/ de'i mchid nas gal te khyod kyis gang gA'i klung bye ba khrag khrig phrag 'bum gyi bye ma snyed dag tshim par byas te/ bram ze'i drang srong 'bum yang tshim par byas na/ de lta na khyod kyi tshe phyir nur bar 'gyur ro zhes mchi na/
bcom ldan 'das de la ji ltar bsgrub par bgyi ba bka' stsal du gsol/ de nas bcom ldan 'das de bzhin gshegs pa shAkya thub pas tshe dang ldan pa kun dga' bo la 'di skad ces bka' stsal to/ /kun dga' bo gang gis khyod rnams dang / bram ze'i
drang srong rnams tshim par byed par 'gyur ba'i thabs yod kyis ma 'jigs shig /kun dga' bo thams cad du 'od dang ldan pa rgyal chen shugs ldan 'od ces bya ba'i gzungs yod de/ des byin pa tsam gyis gang gA'i klung bye ba khrag khrig phrag 'bum
gyi bye ma snyed dag tshim par byas par 'gyur te/ dang / bram ze'i drang srong re re la zas dang skom yul ma ga d+hA'i bre bo bdun bdun byin par 'gyur ro/ /de ni nga sngon bram zer gyur pa na/ byang chub sems dpa' sems dpa' chen po 'jig rten dbang
phyug dang / de bzhin gshegs pa 'jig rten dbang phyug 'od las ngas bzung ste/ des dang bram ze'i drang srong grangs su bgrang ba mang ba dang / ches mang ba dag ngas zas dang skom gyis tshim par byas te/ de dag thams cad kyi 'jig rten nas

132b - 133b