phyin pa yang yongs su rdzogs par 'gyur ro/ /dga' bo khyod kyis 'di'i rjes su chos bzhin yid la byas te/ sems can thams cad kyis mthong zhing thos par bya ba'i phyir yongs su rgyas par ston cig dang / bsod nams tshad med pa thob par 'gyur ro/ /kha
nas me 'bar ba la skyabs mdzad pa'i gzungs rdzogs so// //@#/ /mo kha 'bar ma dbugs dbyung ba'i gtor ma'i cho ga /dkon mchog gsum la phyag 'tshal lo/ /de nas bcom ldan 'das yul ser skya
na shing n+ya gro d+ha'i kun dga' ra ba na dge slong gi dge 'dun chen po dang / byang chub sems dpa'i tshogs chen po dang / sems can gyi tshogs chen po dang / thabs cig tu bzhugs te chos ston to/ /de nas kun dga' bo dben par 'dug ste/ nang du yang dag 'jog
cing rtse gcig tu yid la byed pas chos mngon sum du byed pa na/ mtshan mo nam gyi cha smad la de'i mdun du mo kha 'bar ma 'dug nas smras pa/ kye kun dga' bo khyod gnangs 'chi bar 'gyur te/ kyi gnas 'dir skye bar 'gyur ro/ /kun dga' bos
smras pa/ brten pa'i thabs ci yod/ mos smras pa/ kun dga' bo gal te nang par gang gA'i klu bye ba khrag khrig phrag 'bum gyi bye ma snyed dag la re re la yang zas dang skom yul ma ga d+hA'i bre bo che bdun bdun tsam byin te/ bram ze'i drang
srong 'bum yang tshim par byas la/ bdag gi ming gis dkon mchog gsum la mchod pa byas na/ de lta na khyod kyi tshe yang phyir nur bar 'gyur la/ bdag kyang kyi 'jig rten nas shi 'phos te mtho ris kyi 'jig rten du skye bar 'gyur ro/ /de nas kun dga' bos
mo kha 'bar ma rid cing mdog ngan la lus skem pa/ kha nas me lce 'bar ba/ lto dang kha skom pa/ ral ba'i phung po g.yengs pa/ spu dang sen mo ring ba mthong ste/ tshig mi snyan cing yid du mi 'ong ba de thos nas/ skrag cing dngangs te/ spu zing zhes

132a - 133a