de bzhin sde dpon skems byed lags/ /lha min dbang po thags zangs ris/ /mig dmar gza' lag pa ba sangs/ /spen pa dpa' bo lha kun lags/ /lha rnams kun gyis phyag bgyis pa/ /'jig rten chos kyi dri ma bral/ /khyod ni 'jig
rten gang zag mchog /'jig rten mkhyen pa 'jig rten rig /ye shes can gyi dam mchog pa/ /dam pa sbyin dang gnas dang skyabs/ /bdud kyi las kyis yongs mi rdzi/ /kha na ma tho mi mnga' zab/ /dge ba'i bshes gnyen kun tu grags/ /khyod ni sman pa zug
rngu 'byin/ /mi 'dul kha lo sgyur ba'i mchog /blo gros ldan zhing rtogs dang ldan/ /blo dang ldan zhing mkhas pa lags/ /khyod ni bsod nams dpag bsam shing / /byang chub yan lag me tog brgyan/ /rnam grol 'bras bu phun sum tshogs/ /lus
can kun gyi mchog tu gyur/ /yid du 'ong zhing yid 'phrog pa/ /sdig pa mi mnga' tshangs par spyod/ /khyod ni mjug gza' mchog lags/ /khyod ni drang srong thub pa mchog /khyod ni rgyal tshab dbang bskur ba/ /sa bcu'i mnga' bdag gtso bo lags/ /
ded dpon 'gro ba rnams kyi gtso/ /mya ngan 'das pa mchog ston bzhin/ /khyod ni nam mkha' sa chu bzhin/ /khyod ni me dang rlung lta bu/ /khyod ni yid bzhin nor bu ltar/ /sems can re ba kun rdzogs mdzad/ /'byung po kun gyis phyag bgyis pa/ /
rin chen khyod la phyag 'tshal lo/ /'jam dpal gyis ni bka' stsal pa/ /oM bA kye da~M na maHswA hA/ ji skad smos pa'i mtshan rnams dang / /rig sngags bcas par 'dzin na ni/ /sdig 'gyur rnam dag rab tu thob/ /brgya las rtsa brgyad lhag pa'i mtshan/ /
skyes bu dus gsum su klog pa/ /de 'dod bsam dgu yid bzhin du/ /gdon mi za bar 'grub par 'gyur/ /bzang po'i mtshan rnams dran na ni/ /mtshams med skal ba mnyam pa yi/ /las rnams mi bzad gang byas pa/ /de dag thams cad myur du byang / /

126b - 127b