brgya rtsa brgyad pa/ /'di dag so sor rjod byed na/ /nga ni nyes pa kun zlog cing / /rtag tu de yi phyi bzhin 'brang / /nang par langs nas gtsang ma yis/ /sgrib pa thams cad sel ba la/ /blo ldan gang zhig stod byed pa/ /de yi sdig pa med par
'gyur/ /gang zhig ming brgya rtsa brgyad mchog /nang par langs nas rjod byed pa/ /sdang ba thams cad de dbang 'gyur/ /bgegs rnams kyis kyang yongs su gtong / /sdig pa dag pa 'thob pa dang / /de bzhin bsod nams 'phel ba dang / /ye shes rgya mtsho
longs spyod cing / /sa mchog chen po thob par 'gyur/ /gang zhig nges par gnas byas la/ /ming brgya rtsa brgyad mchog 'don pa/ /des ni 'byor chen sangs rgyas sa/ /ring por mi thogs thob par 'gyur/ /rgyud chen ldan zhing blo che ba/ /gang zhig
ming mchog 'don pa ni/ /rdo rje'i dkyil 'khor bstan pa la/ /ring por mi thogs 'jug par 'gyur/ /byang chub sems dpa' chen po sgrib pa thams cad rnam par sel ba'i mtshan brgya rtsa brgyad pa gzungs sngags dang bcas pa rdzogs so// //
@#/ /rgya gar skad du/ Ar+ya k+Shi ti gar+b+ha aSh+Tot+ta ra sha ta ka nA ma d+hA ra NI man+t+ra sa hi ta/ bod skad du/ 'phags pa sa'i snying po'i mtshan brgya rtsa brgyad pa gzungs sngags dang bcas pa/ dkyil 'khor gyi rgyal po chen po byang chub sems dpa' sems dpa' chen po sa'i
snying po la phyag 'tshal lo/ /oM sum+b+ha ni sum+b+ha/ ha ra tsa ra/ ma hA pA sha ma ru tA+e/ a mo g+ha badzra satwa swA hA/ de nas yon tan sbyin pa yi/ /gzungs 'di bshad ma thag tu yang / /rdo rje'i dkyil 'khor dam pa ni/ /ti se'i gangs bcas g.yos par gyur/ /
sa yi snying po tshogs dbang la/ /bcom ldan rdo rje can gyis smras/ /skal ldan chen po legs so legs/ /sa steng khyod kyis yangs par byas/ /khyod kyi gzungs ni rnam grags shing / /yon tan dpag med tshogs bskyed pa/ /sems can kun gyi sdug

123b - 124b