ltar/ /ha ha zhes pa'i sgra chen sgrogs/ /rdo rje chen po rtse mo can/ /shin tu dga' mdzad bde sbyin pa/ /byams pa'i dkyil 'khor go char bgos/ /brtson pa kun las rnam par rgyal/ /snying rje'i stobs las byung ba ste/ /mtshon cha chen po shin tu
'bar/ /byams pa byams pa'i rtog pa can/ /kun nas sba ba'i dkyil 'khor ba/ /ma pham thub med dag pa ste/ /sangs rgyas cha lugs mnyam med che/ /byams pa'i snying po snying po che/ /byams pa'i pad+ma las byung ba/ /rdo rje 'chang chen rdo rje can/ /rdo rje'i
bstan pa'i dkyil 'khor pa/ /rig sngags 'chang ba rnams kyis btud/ /de bzhin bsnyen cing bstod pa po/ /grub pa chen po rig sngags grub/ /rdo rje'i dkyil 'khor mdzes par mdzad/ /thams cad grub mdzad grub pa po/ /sangs rgyas gdung gi sdong chen
lags/ /gsang sngags chen po'i rnam par nges/ /mdo sde'i bkod pa mdo sdud pa/ /nges gyur nges pa'i 'od sgron gyi/ /snang bas dri ma sel bar mdzad/ /'bar ba rtsa dmar 'od snang ba/ /dkyil 'khor dkar po che ba ste/ /gzhung dang mthun pa'i chos
dbyings dang / /nye bar gyur cing shin tu nges/ /swA hA swA hA'i bdag po mchog /'od zer bde legs bde legs mdzad/ /stobs chen 'chang ba bkra shis pa/ /nyi ma 'dra ste snyoms pa lags/ /stobs byed rgyal ba'i longs spyod ldan/ /
mkha' ltar dri med spyod yul can/ /dpa' bo rdo rjes 'joms par mdzad/ /rdo rje chen po rab bsgrub pa/ /sgrub pa po ste rtsod pa med/ /dkyil 'khor ldan pa rdo rjes ston/ /rlung chen shugs kyis bskyod pa yi/ /g.yo dang 'brug sgrogs sgra ldan pa/ /
sangs rgyas spyod yul pad+ma ste/ /de bzhin nyid kyi mtsho las skyes/ /mngon shes chen po mngon shes brnyes/ /khyab bdag sangs rgyas kun dang mnyam/ /de nas sa yi dbang phyug po/ /byams pa'i dkyil 'khor byams pa la/ /bstod nas kun mkhyen

108a - 109a