dgra bcom pa yang dag par rdzogs pa'i sangs rgyas pad+ma rgyas pa dang ut+pa la'i dri'i tog gi rgyal po la phyag 'tshal lo/ /de rnams la phyag 'tshal nas/ bcom ldan 'das de bzhin gshegs pa thams cad kyi gtsug tor nas byung ba gdugs dkar po can zhes bya ba gzhan gyis
mi thub ma phyir zlog pa'i rig sngags kyi rgyal mo 'di rab tu brjod par bya'o/ /'thab pa dang / 'thab mo dang / rtsod pa dang / 'gyed pa thams cad rab tu zhi bar byed pa/ 'byung po dang gdon thams cad zlog par byed pa/ pha rol gyi rig sngags thams cad gcod par byed pa/ dus
ma yin par 'chi ba las yongs su skyob pa/ sems can bcings pa thams cad thar bar byed pa/ sdang ba dang rmi lam ngan pa thams cad 'joms par byed pa/ gnod sbyin dang srin po'i gdon thams cad rnam par rlag par byed pa/ gdon stong phrag brgyad cu rtsa bzhi po rnams
rnam par 'joms par byed pa/ rgyu skar nyi shu rtsa brgyad rab tu sgrub par byed pa/ dgra thams cad zlog par byed pa/ gza' chen po brgyad rnam par rlag par byed pa/ drag shul dang / sdang ba dang rmi lam ngan pa rnams rnam par 'joms par byed pa/ dug dang mtshon dang me dang chu
las skyob par byed pa/ ngan 'gro'i 'jigs pa thams cad las sgrol ba/ dus ma yin par 'chi ba brgyad kyi bar du yongs su skyob par byed pa ste/ gzhan gyis mi thub drag shul che/ /stobs chen gzi brjid chen mo ste/ /gtum pa chen mo dkar mo che/ /gsal ba chen mo
stobs chen mo/ /'bar ba chen mo phreng ba che/ /gos dkar mo ni chen mo ste/ /'phags ma sgrol ma khro gnyer can/ /rgyal ba'i rdo rje phreng zhes grags/ /pad+ma'i snang ba rdo rje'i mtshan/ /gzhan gyis mi thub phreng ba can/ /rdo rje mchu can rnam sgag ma/ /zhi ba'i lha rnams kyis
mchod pa/ /zhi gzugs dkar mo chen mo ste/ /'bar ba dang ni gos dkar mo/ /'phags ma sgrol ma stobs chen mo/ /'chi med rdo rje lu gu rgyud/ /rdo rje gzhon nu rig 'dzin ma/ /lag na rdo rje'i rdo rje dang / /de bzhin rig sngags gser phreng can/ /le brgan rtsi

206a - 207a