pa nyan thos dang / /rang sangs rgyas thams cad la phyag 'tshal lo/ /dkon mchog gsum la phyag 'tshal lo/ /phyogs bcu'i de bzhin gshegs pa dgra bcom pa yang dag par rdzogs pa'i sangs rgyas shes bya mtha' yas pa ma lus par khyab pa mchog tu rmad du byung zhing rnam par dag
pa'i thugs mnga' ba rnams la phyag 'tshal lo/ /byang chub sems dpa' sems dpa' chen po 'phags pa spyan ras gzigs dbang phyug thugs rje chen po dang ldan pa/ mi 'jigs pa sbyin pa/ phongs pa thams cad las yongs su skyob par mdzad pa/ 'jigs pa thams cad
las rnam par thar bar mdzad pa/ yams kyi nad dang / gnod pa thams cad 'jigs par mdzad pa/ mi mthun pa dang / rtsod pa dang / 'thab pa dang / 'gyed pa thams cad rab tu zhi bar mdzad pa/ sdig pa thams cad 'joms par mdzad pa/ 'byung po dang / ro langs
dang / gshis ngan du 'chi ba dang / rmi lam ngan pa dang / bgegs kyi log 'dren thams cad 'jigs par mdzad pa/ pha rol gyi dmag tshogs dang / mu ge dang / mya ngan gyi 'jigs pa thams cad bzlog par mdzad pa/ lha dang / klu dang / gnod sbyin dang / srin po dang / dri
za dang / lha ma yin dang / nam mkha' lding dang / mi 'am ci dang / lto 'phye chen po thams cad 'dun par mdzad pa/ /dug dang / 'brum phran dang / thor bu dang / gshed byed dang / byad dang / ro langs dang / bkra mi shis pa'i 'jigs pa thams cad 'jigs par mdzad pa la
phyag 'tshal lo/ /gshed byed thams cad sel bar byed/ /sdig pa thams cad 'phrog pa nyid/ /nor dang 'bru rnams 'phel mdzad pa/ /bdag gi bu dang tsha bo dang / /g.yog 'khor rtag tu mang gyur pa/ /phyir bzlog pa 'di brjod par bya/ /lha dang lha min g.yul 'gyed tshe/ /
brgya byin lha min rnams las pham/ /de nas rings pa kho nar ni/ /'jig rten dbang gi drung 'ongs te/ /de nas snying ni rab skrag pas/ /'di skad kyis ni tshig gsol to/ /lha min bdag pham 'jig rten dbang / /ji ltar bdag gis nan tan bgyi/ /'jig rten dbang po bdag

200a - 201a