dge slong dag de ltar na dug sel gyis 'byung po 'dus pa thams cad la rig sngags gang brjod cing bsnyad pa de dag thams cad ni de bzhin no/ /gzhan ma yin pa de bzhin no/ /yang dag pa'o/ /bden pa'o/ /ma nor ba'o/ /phyin ci ma log pa'o/ /dug 'di mi
gdug par gyur cig /sbyin par byed pa'i gan du song shig /'dzin pa'i gan du song shig /me'i nang du song shig /chu'i nang du song shig /thang la song shig /ka ba'i nang du song shig /rtsig pa'i nang du song shig /nam mkha' la song shig /sa'i nang du song shig /zhi
bar gyur cig swA hA/ bcom ldan 'das kyis de skad ces bka' stsal nas/ dge slong de dag yi rangs te/ bcom ldan 'das kyis gsungs pa la mngon par bstod do// /'phags pa dug sel ces bya ba'i rig sngags rdzogs so// //
@##/ /rgya gar skad du/ sid+d+ha pa Thi ta b+ha ga wa tI Ar+ya ang+gu li nA ma bid+yA rA dz+nyI/ bod skad du/ bklags pas grub pa bcom ldan 'das ma 'phags ma sor mo can zhes bya ba rig pa'i rgyal mo/ /sangs rgyas la phyag 'tshal lo/ /chos la phyag 'tshal lo/ /dge 'dun
la phyag 'tshal lo/ /de ltar dge slong rnams ri dri rgyal na gnas te de'i tshe 'phags pa spyan ras gzigs dbang phyug kyang de na bzhugs te/ des bdag la smras pa/ bu sngags kyi tshig 'di nyon cig /klu'i dbang po rnams kyi dug med par byed/ sbrul gyi dug med par byed/ g.yog
rnams dang / srin po rnams dang / 'byung po rnams dang / sha za rnams dang / sems can stobs po che rnams dang / grul bum rnams dang / sems can phra mo rnams dang / phra men pha dang / phra men ma dang / chu srin dang / stag dang / grul bum dang rwa can
dang / mche ba can gyis de ltar sngags kyi tshig drag shul chen po a~M gu li yang dag par thos na sngags kyi gtso bo sems can gdug pa rab tu 'jil bar byed pa ste/ sngags can gang gis de shes na lha rnams kyi gdug pa yang dag par med par byed do/ /oM na mo b+ha ga ba ti ar+ya aM gu li/

198b - 199b