mu khi/ sarba duSh+TA nAM mu khaM/ ban d+ha ban d+ha/ dus thams cad du legs par bsrung bar 'gyur ro/ /bskul tshig bzhi bcu rtsa bzhi ni/ rgya mtsho gsum ni mtshan brjod pa'i/ oM dang bcas pa'i snying po dang / nyi shu rtsa gnyis pa dang / yi ge drug pa ni 'jigs pa thams
cad las srung bar byed do/ /snying po'i sngags 'di 'dzin na blo rno bar 'gyur ro/ /gleng gzhi dang bcas pa sngags 'di bzlas pa byas na nor dang 'bru dang / g.yog 'khor 'phel bar byed pa'i mchog sbyin par byed do/ /don de sgrub par 'dod pas thang ka 'am/ shing leb la bris sku bya ba ni mya
ngan med kyi shing gi sdong po'i rtsar pad+ma la gnas pa/ rgyan thams cad kyis brgyan pa/ ljang gu dang / ang ga rag sngon po dang stod g.yogs sngon po dang / mgo bo na mchod rten yod pa/ gzhon nu ma/ g.yon pa'i phyogs su gzigs pa'i spyan can/ mya ngan med pa'i 'od zer
can zhes bya ba bri bar bya'o/ /sngon du bstan pa'i cho gas thang sku 'di mdun du blta zhing mchog tu sgrub pa'i snying po bzlas pa stong bya'o/ /oM mA rI ts+yai swA hA/ zhes bya ba'o/ /mchog gi snying po 'di nges par mchog tu 'grub par 'gyur ro/ /rims thams cad med par byed do/ /nad thams
cad med par byed do/ /bzlas pa dang sbyin sreg gis kyang 'od zer can gyis nor 'phel ba skyed par byed do/ /zho dang dUr ba gnyis kyi sbyin sreg gis ni nges par nad med par byed do/ /sbrang rtsi dang mar gyi sbyin sreg gis ni rgyal po rnams dbang du byed do/ /zho dang 'bras sA lu dang / bu ram
gyi sbyin sreg gis ni gnod sbyin mo 'grub par byed do/ /tsha ba'i mar dang nim pa'i yal ga stong gi sbyin sreg gis ni rims nad med par byed do/ /rang gi khrag dang / rus pa dang / dug dang / ske tshe stong phrag gcig sbyin sreg byas pas dgra bo 'chi'o/ /'o ma'i sbyin sreg gis ni zhi bar
'gyur ro/ /rtag tu bzlas na dug 'joms par byed cing 'bad pa med par mkha' 'gro ma rnams 'joms so/ /nyi ma re re brgya rtsa brgyad bzlas na 'dzin blo rno bar 'gyur ro/ /oM ba rA li/ ba dA li/ bat+t+wa li/ bA rA hA mu khi sarba duSh+Ta pra duSh+TA nAM ban d+ha ban d+ha/ mu khaM swA hA/ 'od zer

158b - 159b