bya chen mo 'di la 'khor bzhi po dge slong dang / dge slong ma dang / dge bsnyen dang / dge bsnyen ma rnams mos par gyis shig /tshe dang ldan pa kun dga' bos bcom ldan 'das la legs so zhes bya ba gsol te/ bcom ldan 'das kyi ltar mnyan nas/
'khor bzhi po dge slong dang / dge slong ma dang / dge bsnyen dang / dge bsnyen ma de rnams rig sngags kyi rgyal mo rma bya chen mo 'di la mos par byas so/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / tshe dang ldan pa sa ri dang /
lha dang / mi dang / lha ma yin dang / rlung lha dang / nam mkha' lding dang / dri za dang / mi 'am ci dang / lto 'phye chen po dang / gnod sbyin dang / srin po dang / mi dang / mi ma yin pa gang dag 'khor der 'dus te 'khod pa de dag thams cad yi rangs te/ bcom ldan
'das kyis gsungs pa la mngon par bstod do// //rig sngags kyi rgyal mo rma bya chen mo'i gzungs rdzogs so// //rgya gar gyi mkhan po shI len dra bo d+hi dang / dz+nyA na sid d+hi dang / shAkya pra b+ha dang / zhu chen gyi lo ts+tsha ba ban+de ye shes sdes bsgyur cing zhus te skad
gsar chad kyis kyang bcos nas gtan la phab pa// @##/ /rgya gar skad du/ Ar+ya ma yU ra bid+yA gar+b+he nA ma/ bod skad du/ 'phags pa rig sngags kyi rgyal mo rma bya'i yang snying zhes bya ba/ bcom ldan 'das rma bya chen mo la
phyag 'tshal lo/ /sangs rgyas la phyag 'tshal lo/ /chos la phyag 'tshal lo/ /dge 'dun la phyag 'tshal lo/ /dgra yis 'jigs pa'am/ 'thab rtsod kyis 'jigs pa'am/ bgegs kyis 'jigs pa'am/ dus ma yin par 'chi bas 'jigs pa'am/ sbrul
gyis 'jigs pa'am/ gcan gzan gyis 'jigs pa'am/ dug gis 'jigs pa'am/ mes 'jigs pa'am/ chus 'jigs pa'am/ rlung gis 'jigs pa'am/ 'jigs pa thams cad kyi nang na 'dug na 'di yid la bya'o/ /rlung las gyur pa'am/ mkhris pa las gyur

116b - 117b