sngags kyi rgyal mo rma bya chen mos dug bcom mo/ /dge slong sa ri bde legs su gyur cig /de nas tshe dang ldan pa kun dga' bos bcom ldan 'das la legs so zhes gsol te/ bcom ldan 'das kyi ltar mnyan nas bcom ldan 'das kyi zhabs la mgo bos phyag 'tshal te/
lan gsum bskor ba byas nas/ dge slong sa ri ga la ba der song ste phyin pa dang / rig sngags kyi rgyal mo rma bya chen mo 'dis dge slong sa ri la chad pa spang bar byas te/ yongs su bskyab pa dang / yongs su gzung ba dang / yongs su bskyang ba dang / zhi ba dang /
bde legs su 'gyur ba dang / chad pa spang ba dang / mtshon cha spang ba dang / dug gzhil ba dang / dug gsad pa dang / mtshams gcad pa dang / sa bcing ba byas te/ tshe dang ldan pa kun dga' bos bsrung ba dang / bde legs su 'gyur ba byas pas tshe dang ldan pa
dge slong sa ri nad de las sos so/ /de nas tshe dang ldan pa kun dga' bo dang / tshe dang ldan pa dge slong sa ri bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te ci ltar gyur pa thams cad bcom ldan 'das la gsol
nas/ bcom ldan 'das kyis gnang ste phyogs gcig tu 'khod do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis rig sngags kyi rgyal mo rma bya chen mo 'di'i mthu mthong ngam/ kun dga' bos bcom ldan 'das
de bzhin du gsung ba de la phyag 'tshal nas 'di skad ces gsol to/ /bcom ldan 'das ci'i slad du ma 'tshal/ bcom ldan 'das kyis yang bka' stsal pa/ kun dga' bo 'di ltar rgya mtsho chen po bzhi ni skam yang srid/ sa ni nam mkha' la 'phags kyang srid/
zla ba dang nyi ma ni sa la ltung yang srid/ klung ni rgyun las ldog kyang srid kyi/ de bzhin gshegs pa'i bka' ni gzhan du 'gyur mi srid do/ /de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo de lta bas na rig sngags kyi rgyal mo rma

116a - 117a