bcom ldan 'das 'di ni dus lags so/ /bde bar gshegs pa 'di ni skabs su bab pa lags so/ /bcom ldan 'das kyis bka' stsal pa/ lha'i dbang po lha'i bu nor bu dri ma med pa'i 'od ces bya ba de 'di nas shi 'phos nas mnar med pa'i sems can dmyal ba chen
por skyes te/ der lo stong phrag bcu gnyis su sdug bsngal drag cing mi bzod pa myong bar 'gyur ro/ /slar yang dmyal ba chung ngu rnams su lo stong phrag bcur sdug bsngal myong bar 'gyur ro/ /slar yang byol song dang rnams su skyes te lo stong phrag bcur sdug bsngal myong bar 'gyur ro/ /
slar yang mtha' 'khob kyi skye bo'i gnas su skyes nas/ 'on pa dang / dig pa dang / lkugs pa'i rang bzhin can rnams su lo stong phrag drug cu sdug bsngal myong bar 'gyur ro/ /slar yang lo stong phrag brgyad cu rtsa bzhir nad rnag khrag 'dzag pa dang / mdze dang phol mig gis gzir ba dang /
skye bo mang pos smad pa dang / yongs kyis spangs pa dang / rigs dman par 'gyur zhing sdug bsngal nas sdug bsngal du brgyud pa rgyun mi 'chad par 'gyur te/ gzhan rnams la yang gnod pa byed cing las kyi sgrib pa sna tshogs pa yang rgyun mi 'chad par byed par 'gyur ro/ /slar yang sdug bsngal
rgyud pa gzhan dang gzhan myong bar 'gyur ro/ /de nas brgya byin la sogs pa lha'i bu rnams de thos nas dngangs shing skrag ste skyo nas kha bub tu 'gyel to/ /yang langs nas 'di skad ces gsol to/ /bcom ldan 'das sdug bsngal brgyud ma de las ji ltar thar bar 'gyur/ bde bar gshegs
pa ji ltar thar bar 'gyur/ bcom ldan 'das thabs gang gis sdug bsngal gyi phung po chen po de las grol bar 'gyur ba des yongs su skyobs mdzod/ /bde bar gshegs pa yongs su skyobs mdzod/ /bcom ldan 'das kyis bka' stsal pa/ lha'i dbang po sangs rgyas bye ba phrag brgyad cu
rtsa bzhis bshad pa 'di ngas kyang bshad kyis nyon cig /de nas lha'i dbang pos slar yang bcom ldan 'das la me tog man+dA ra ba dang / /man+dAr ba chen po dang / me tog rnam pa sna tshogs pa dang / rin po che'i dbu rgyan dang / phyag gdub dang / dpung rgyan dang / snyan rgyan dang / do shal

97b - 98b