thab khung gru gsum sor brgyad pa/ /khrag dang dur khrod sol bas byug /dkyil du rdo rje rtse gsum bri/ /zur du mchod rten gsum gzhag ste/ /de steng drag po'i snod bzhag la/ /nang du gru gsum rtse mo lho/ /gdug pa'i shing yang zur gsum brtsig /dkyil 'khor
chen po'i shar lhor bya/ /shing shun dag la shutrU yang / /brgya rtsa brgyad bya dug sna dang / /tsha ba gsum dang bong bu'i chu/ /rnga mo bya rog brun yang bsag /lha yi ting 'dzin mchod sngags kyis/ /ting 'dzin gsal ste lha la 'bul/ /sreg pa'i sngags ni 'dis
bya'o/ /sarba big+h+nAn mA ra ya dz+wa wa ra~M/ /stong rtsa brgyad dang brgya rtsa brgyad/ /lan grangs mang du byas pa yi/ /thal ba chu chen gzhung la bor/ /thab khung 'og ma'i thal ba yang / /khyi yi dri chen tsha ba gsum/ /bsres te sha trA~M gzugs byas la/ /nA ga sta~M
b+ha na na zhes rgya gram dkyil du mnan zhes gsungs so/ /dpal rdo rje gtum po thugs gsang ba'i rgyud phyi ma las dregs pa can shin tu tshar gcad pa bsreg pa drag po'i le'u ste bcu gsum pa'o// //de nas yang lha'i dbang pos gsol ba/ kyai bcom ldan
'das/ gnon pa'i las ni bgyi ba yi/ /shin tu tshar gcad ji ltar bgyi zhes gsol pas/ bcom ldan 'das kyis bka' stsal pa/ /lha yi dbang po chen po nyon/ /ru sbal khog pa kha sbyar du/ /rgya mtsho'i lbu ba khre rgod dang / /nA ga ge sar cu gang
dang / /dkar gsum sha chen sha rI ra/ /ma gi ta yis gtso byas te/ /ru rta dang sbyar ro nye'i shubs/ /re bas gtums te sngon dmar dkri/ /sngags kyis mda' la sum stong bsngags/ /nA ga stam b+ha nan/ brgyad gsum dbus ma'i zla zer la/ /nub kyi rgya gram
sum mdo 'am/ /yang na gnod pa'i sa phyogs su/ /shug pa'i phur pas khru gang brko/ /der bcug g.yam pa rgya gram can/ /de steng gnon pa'i ri rab gzhag /de dag byed tshe dman zas spang / /kha zas dkar gsum mngar gyis bya/ /sha rul khrag

35a - 36a