rnams la/ /sa yi dri dang ma gi ta/ /shu dag lce bog ru rta dang / /gu gul nag po dri ma dang / /ro yi ro dang btsan dug dang / /byi ku cig skyes mi phag bcud/ /yang na btsan dug lce pog dang / /ldong ros dang ni sa yi dri/ /zhun
chen dri chus bsdus te bsku/ /gu gul shu dag shing kun dang / /gla rtsi btsan dug ro yi ro/ /rus chen btags te zhun gyis bsdu/ /ril bu byas te bsregs nas kyang / /yang dang yang du sna bug bdug /dug chen klu dang de las gram pa'i gdon/ /skye
dgu 'tshe byed gdon rnams gang yin yang / /gdug pa chen po'i dri 'di tshor ba yis/ /gdug pa can rnams klad pa rab tu 'gas/ /nyi ma'i 'od kyis mun pa ji bzhin no/ /sha la zhugs pa'i gdug pa'i dug rnams la/ /byug pa'i rdzas rnams phyi nas
byug /bdug pa can gyis rtag tu bdug /ma gi ta dang dri chu grang mor sbyar/ /bkra zhing khong du gtan du btang bar bya/ /nad rnams 'byang zhing spu sogs byi ba skye/ /rtsa dang chu ba dag la gnas pa'i dug /byug pa bdug pa chu bo'i gzhung bzhin du/ /khong
du btang ba'i rdzas ni 'di lta ste/ /ma gi ta ni dri yi chus sbyangs te/ /a ru ra dang sbyar ba rgyun mi bcad/ /rtsa yi gnas su nad rnams dngas snyigs 'byed/ /dngas snyigs phyed pa'i nad ni phyi ru 'byung / /gangs kyi ri la nyi ma lta bu'o/ /dug rnams rus pa dag
la rgyas/ /khong du btang ba'i rdzas ni rgyun du btang zhes gsungs so/ /dpal rdo rje gtum po thugs gsang ba'i rgyud phyi ma las gdug pa'i dug rdzas kyis gdul ba'i le'u ste bcu gnyis pa'o// //de nas yang lha'i dbang pos gsol pa/ kyai bcom
ldan 'das gdug pa can shin tu yang tshar gcod pa'i thabs bka' stsal du gsol zhes gsol pas/ bcom ldan 'das kyis bka' stsal pa/ nyon cig dbang po chen po'i lha/ /gdug pa shin tu tshar gcad na/ /bsreg pa'i las la shin tu brtson par bya/ /
34b - 35b