pa rnams thams cad la 'di skad ces bka' stsal to/ /bcom ldan 'das de bzhin gshegs pa rnams thams cad de skad ma zer cig /spro ba mchog gi de kho na nyid kyi tshul nges par bstan par de bzhin gshegs pa thams cad kyis rab tu gsungs so/ /ci'i rgyus rdo rje 'dzin rab tu gsung / bcom ldan 'das
de bzhin gshegs pa rnams thams cad kyis dgongs/ de nyid kyi tshe 'khor chen po'i dkyil 'khor du byams pa la sogs pa'i byang chub sems dpa' chen po rnams theg pa chen po mchog gi don gyi tshul chen po 'di thos nas/ rnam pa stong du rnam par bsnyil bar gyur to/ /de bzhin gshegs pa thams cad la gsol pa/ khyod
kyis zhi bar byin brlabs pas/ /sangs rgyas rnams kyi rnam pa can/ /khyab bdag de nyid rdo rje can/ /byin rlabs mnyam par kun du spyod/ /de nas bcom ldan 'das phyag na rdo rjes spyan gdangs nas de bzhin gshegs pa thams cad la legs so byin nas/ de bzhin gshegs pa thams cad kyi 'khor lo chen po'i 'od zer gyis
bkang nas/ de bzhin gshegs pa thams cad kyi thugs yang dag par skul bar byed pa zhes bya ba'i ting nge 'dzin la snyoms par zhugs so/ /snyoms par zhugs ma thag tu nyi ma'i dkyil 'khor chen po bzhi rab tu byung bar gyur te/ shar gyi phyogs su mi zad pa'i gzugs 'dzin ma zhes bya ba'i nyi ma'i dkyil 'khor chen po rab tu
shin tu byung bar gyur to/ /lho phyogs su rin po che yid bzhin gyi nor bu'i rdo rje zhes bya ba'i nyi ma'i dkyil 'khor chen po rab tu shin tu byung bar gyur to/ /nub phyogs su 'chi med rdo rje zhes bya ba'i nyi ma'i dkyil 'khor chen po rab tu shin tu byung bar gyur to/ /byang phyogs su don yod pa'i dam tshig gi rdo rje zhes bya ba'i nyi ma'i dkyil
'khor chen por rab tu shin tu byung bar gyur to/ /de nas bcom ldan 'das phyag na rdo rje de bzhin gshegs pa thams cad dang byang chub sems dpa' thams cad kyi gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po ston to/ /rdo rje'i spyod pa mngon par brtson pa zhes bya ba'i de bzhin gshegs
pa thams cad kyang bcom ldan 'das phyag na rdo rje de nyid kyi phyogs bcu rnams su de bzhin no/ /de bzhin du yon tan khyad par du 'phags pa'i rdzu 'phrul dang / de bzhin du yon tan dang ldan pa'i 'khor gyi dkyil 'khor dang thabs cig tu phyogs bcur bzhugs so/ /'di lta ste/ yang stong gsum gyi stong chen

59b - 60b