gsang ba'i chos kyi sgo 'di nyid ston par mdzad do/ /yang de'i tshe na lag na rdo rje rdo rje 'chang chen po zhes bya ba/ de bzhin gshegs pa thams cad kyi thugs la rab tu gnas pa/ de bzhin gshegs pa thams cad kyi spyod pa yang dag par sgrub par byed pa/ de bzhin gshegs pa thams cad kyi sku'i phrin las
rjes su skyong ba/ de bzhin gshegs pa thams cad kyi thugs kyi dgongs pa yongs su rdzogs par byed pa po ste/ de ltar rang gi rigs kyi chos la gnas pa'i rnal 'byor rjes su 'dzin par gnas pa las/ 'dus pa chen po'i dbus su rang gi lus mi snang bar mdzad do/ /de nas phyogs bcu'i de bzhin
gshegs pa thams cad kyis tshogs kyi nang na byang chub sems dpa' phyag na rdo rje mi snang bar gyur pa gzigs nas gsung dbyangs gcig gis ched du rjod pa 'dis ched du brjod do/ /e ma lag na rdo rje 'chang / /bdag cag yongs kyi byed pa po/ /'dus pa'i dbus nas mi snang ba/ /mgon khyod da lta gang du
bzhud/ /ces gsungs nas thams cad kyang so so'i mi shigs pa rdo rje rin po che mchog gi byin gyis brlabs pa'i gnas su cang mi gsung bar bzhugs so/ /de nas lag na rdo rje rdo rje 'chang chen po des/ de bzhin gshegs pa thams cad kyi gnas lnga las byung ste bcom ldan 'das rnam par snang mdzad chen po'i
skur bzhengs la/ de bzhin gshegs pa thams cad kyi thugs nyi ma'i dkyil 'khor chen por snang ba de dpag tshad stong phrag gi tshad du nyi ma'i dkyil 'khor chen por byin gyis brlabs nas/ de'i dbus su gnas par gyur to/ /de nas bcom ldan 'das de bzhin gshegs pa thams cad slar yang 'dus
par gyur nas/ de bzhin gshegs pa thams cad kyi rje bo la gsol ba btab bo// //rdo rje chos phyir khyod legs so/ /rdo rje'i spyan phyir khyod legs so/ /rdo rje ye shes phyir khyod legs/ /sangs rgyas ye shes phyir khyod legs/ /gong bzhin du sbyar ro/ /de nas bcom ldan 'das de bzhin gshegs pa rnams
thams cad bcom ldan 'das rdo rje 'chang chen po la phyag 'tshal nas 'di skad ces gsol to/ /sangs rgyas kun la phan par mdzad/ /sems can mgon la gsol ba ni/ /khyab bdag theg pa chen po'i tshul/ /theg pa'i mchog ni bstan du gsol/ /de nas bcom ldan 'das phyag na rdo rjes de bzhin gshegs

59a - 60a