rlabs kyis lha'i rgyal po'i khang bzang de ni/ nor bu rin po che'i khang brtsegs dang / nor bu rin po che chen po'i tog dang / kha dog sna tshogs rnam par bkra ba'i dar dpyangs dang / 'phan dang / gdugs dang / rgyal mtshan dang / bla bres dang / rin po che sna tshogs kyi rgyan phreng dang /
dra ba dang / dra ba phyed pa dang / rnga yab dang / me tog gi chun po dang / dril bu dang / dar gyi lda ldi rlung gis bskyod pa la sogs pa'i rgyan bkod phun sum tshogs pa dang ldan te/ dper na zla ba'i dkyil 'khor cha shas yongs su rdzogs pa bzhin du kun nas mdzes par gyur to/ /ston pa bcom ldan 'das ni
de bzhin gshegs pa thams cad kyi rdo rje'i byin gyis brlabs pa'i dam tshig gi ye shes rnam pa sna tshogs pa khyad par 'phags pa dang ldan pa/ de bzhin gshegs pa thams cad kyi rin po che'i cod pan gyis khams gsum gyi chos kyi rgyal por dbang bskur ba brnyes pa/ de bzhin gshegs pa thams cad kyi
thams cad mkhyen pa'i ye shes dang ldan pa'i rnal 'byor chen po'i dbang phyug yongs su rdzogs pa/ de bzhin gshegs pa thams cad kyi phyag rgya chos thams cad mnyam pa nyid thugs su chud pa/ de bzhin gshegs pa thams cad kyi rmad du byung ba'i phrin las sna tshogs mdzad pa/ thugs rje chen po'i
bdag nyid rnam par snang mdzad chen po de bzhin gshegs pa thams cad kyi sku dang / gsung dang / thugs rdo rje mnyam pa nyid la dus gsum du rtag par bzhugs pa/ sems can gyi khams ma lus shing lus pa med pa thams cad kyi re ba yongs su skong bar mdzad cing / de bzhin gshegs pa thams cad
kyis bstod cing bsngags pa dang / de bzhin gshegs pa thams cad kyis chos kyi 'khor lo bskor bar gsol ba btab pa la bdag gir mdzad do/ /gzhan yang phyogs bcu'i 'jig rten gyi khams nas 'dus pa'i gang+gA'i klung gi bye ma snyed kyi de bzhin gshegs pa rnams dang thabs cig ste/ dper na
til gyi gang bus dzamU'i gling yongs su gang ba bzhin no/ /de bzhin gshegs pa'i sku re re las kyang gzhal du med cing grangs su ma mchis pa'i de bzhin gshegs pa'i zhing snang bar gyur cing / sangs rgyas kyi zhing de dag thams cad na yang gnyis su med pa mnyam pa nyid rnam par rgyal ba mchog tu
58b - 59b
