legs so legs so sna tshogs che/ /legs so legs so shes rab che/ legs so legs so dgyes pa che/ /de nas bcom ldan 'das rdo rje 'dzin pa chen pos/ thugs rje chen po'i thugs rang gi thugs yang dag pa la dmigs nas cang mi gsung bar bzhugs so/ /dpal rdo rje
snying po rgyan gyi rgyud rnal 'byor chen po'i de kho na nyid nges pa zhes bya ba/ dpal au T+yAn gyi gsang ba'i dgon pa nas byung ba rdzogs so// //rgya gar gyi mkhan po ka ma la gup+ta dang / bod kyi lo ts+tsha ba chen po mnga' bdag lha ye shes rgyal mtshan gyis bsgyur cing zhus te gtan la phab
pa/ @##/ /rgya gar skad du/ AR+Ya dwa ya sam tA bi dza ya khyA bi kalpa ma hA rA dzA/ bod skad du/ 'phags pa gnyis su med pa mnyam pa nyid rnam par rgyal ba zhes bya ba'i rtog pa'i rgyal po chen po/ dpal rdo rje sems dpa' la phyag 'tshal lo/ /'di skad bdag gis thos pa
dus gcig na/ bcom ldan 'das gzhan 'phrul dbang byed kyi gnas/ lha'i khang bzang na ri'i rgyal po ri rab dgu bcu rtsa dgu'i rdul phra rab kyi grangs dang mnyam pa'i byang chub sems dpa' sems dpa' chen po'i tshogs dang thabs cig tu bzhugs te/ byang chub sems dpa' de dag thams cad kyang rdo rje sems
dpa'i gnas thob pa/ rdo rje'i rgyal tshab tu dbang bskur ba sha stag ste/ 'di ltar byang chub sems dpa' sems dpa' chen po phyag na rdo rje dang / byang chub sems dpa' sems dpa' chen po kun tu bzang po dang / byang chub sems dpa' sems dpa' chen po spyan ras gzigs dbang phyug dang / byang chub
sems dpa' sems dpa' chen po nam mkha'i snying po dang / byang chub sems dpa' sems dpa' chen po rdo rje khu tshur dang / byang chub sems dpa' sems dpa' chen po mnyam pa nyid kyi sems bskyed ma thag tu chos kyi 'khor lo bskor ba dang / byang chub sems dpa' sems dpa' chen po nam mkha'i
mdzod dang / byang chub sems dpa' sems dpa' chen po bdud kyi stobs thams cad rab tu 'joms pa dang / de dag la sogs pa byang chub sems dpa' sems dpa' chen po ri rab dgu bcu rtsa dgu'i rdul phra rab kyi grangs dang mnyam pa dang thabs cig go/ /de'i tshe de bzhin gshegs pa'i mthu dang byin gyi

58a - 59a