lag khang nas rgya dpe lhag ma rnams rnyed nas bsgyur bar rtsom pa na/ dpal dus kyi 'khor lo'i phyi nang gzhan gsum gyi tshul la mi 'jigs pa'i spobs pa thob pa'i bla ma yang dag pas/ dge ba'i bshes gnyen chen po legs par sbyar ba'i skad kyi brda
sprod pa'i tshul la blo gros shin tu byang ba'i 'jig rten gyi mig chos grags dpal bzang po'i bkas bskul zhing sbyin bdag mdzad nas/ bu ston gyis bsgyur ba'i yi ge pa ni dge slong rin chen rgyal mtshan pa'o/ /rgyud min rgyud ltar bcos pa yi/ /
chos min sun dbyung bya phyir dang / /dam chos snang ba spel ba'i phyir/ /ji ltar nus bzhin bsgyur ba lags/ /'di don 'byed pa'i 'grel pa dang / /rgya dpe'i dpe dpang ma rnyed cing / /don zab sgra ni rtogs dka' la/ /saM skr-i ta la ma byang bas/ /sgra don ji
bzhin ma 'byor ba'i/ /nongs de mkhas rnams bzod mdzad cing / /phyis 'byung skad gnyis smra rnams kyis/ /ma dag shes na bcos par zhu/ /rgyud chen 'di ni bsgyur ba las/ /dge ba bdag gis gang thob pa/ /de yis mtha' yas 'gro ba kun/ /
rdo rje 'chang chen nyid gyur cig /de nas 'di la dbu nas shog lto gcig ma tshang bas rnyed na bsgyur bar bya'o/ /'di dang thun mong ma yin pa'i gsang ba gcig tu 'dod pa yang dag par 'khrul bar snang ngo / /'dis 'khor ba
sdug bsngal gyi rgya mtsho chen po myur du skems par gyur cig /rgyud 'di la kun mkhyen gnyis pa/ bu ston zhabs kyi 'gyur mi 'dra ba gnyis 'dug pa las/ 'di ni phyis 'gyur bde ba de nyid las bris pa yin la/ rgya dpe zugs pa'i bar
skabs nas/ tshigs bcad rkang pa re re gnyis gnyis tsam gyi bar la/ hor kong ma tshang ba rnams su rgya gram gyi mtshan ma btab yod par shes par bya'o// //

102a - 103a